Imajem : Bus Babadok Ne’ebé Ahi Han Iha Timur Tengah Utara, 24//09/2024. Foto : Sosial Média
SAPNewsTL, Kupang : Bus ida ne’ebé pertense ba PO Bagong iha rute Kupang-Dili ahi han iha Rota Trans Timor Ekafalo, Aldeia Nunmafo, Suku Insana, Munisípiu Timor Tengah Utara (TTU), Kupang-Indonézia.
Tuir informasaun ne’ebé SAPNews asesu liu hosi média HitsIDN.com haktuir katak Bus ida ne’ebé pertense ba PO Bagong iha diresaun Kupang-Dili ahi han iha Rute Trans Timor Ekafalo, Aldeia Nunmafo, Suku Insana, Munisípiu TTU.
“Bus ida ne’ebé pertense ba kompañia autobus Babadok (PO) ho diresaun servisu Transporte Transfronteirisu (ALBN) ba diresaun Kupang – Dili, Timor Leste ahi han iha Rota Trans Timor, iha Ekafalo, Aldeia Nunmafo, Suku Insana, Distritu TTU, Tersa-feira 24 Setembru 2024”. Haktuir HitsIDN iha Kupang,24/09/2024. SAPNewsTL Screenshoot
Tuir informasaun ne’ebé jornalista sira hetan, fonte inséndiu ne’e hahú hosi autokarru nia kotuk, ne’ebé hafoin ne’e sai boot no sunu hotu parte autokarru nian.
Kauza loloos hosi inséndiu ne’e seidauk hatene, maibé kalkula katak lakon sira to’o rupiah millaun atus resin tanba maioria pasajeiru sira nia sasán la konsege salva. Laiha mós vítima mortal iha insidente inséndiu ne’e.
Durante ahi-han bus refere, komunidade sira ne’ebé hale’u mai haree Bus Bagong ne’ebé ahi han no haree deit husi dook tanba ahi ne’ebé kontinua boot mós susar atu hamate.
Rezultadu husi akontesimentu ne’e, Rota Trans Timor hetan engarrafamentu temporáriu tanba laiha dalan alternativu seluk ne’ebé bele utiliza husi utilizadór estrada sira.
Fo hanoin fali katak, Bus ne’ebé pertense ba PO husi Timor Leste ofisialmente hala’o ona lansamentu no operasaun dezde 30 Marsu 2023.
Jornalista : Ermelinda Soares