Imajen Vise Reitor UNDIL Francisco Martins da Silva
SAPNewsTL, DILI: Tuir Vice-Reitor de Area Cientifica e Pedagójica do Ensinu de Graduasaun, Universidade Dili (UNDIL), Prof. Francisco Martins da Silva haktuir UNDIL sei realiza iudisium no Graduasaun iha Fulan Dezembro tinan ida ne’e ba fakuldade neen (6)
“Fulan ida ne’e graduasaun laiha, graduasaun sei halo fila fali iha fulan dezembru maibe prosesu tomak ne’e, antes ne’e fulan rua tenki komesa ne’ebe dadus ne’e submete ona, agora iha etapa verifikasaun nia laran tanba buat hotu tenke kompletu mak ita halo graduasaun, tuir planu Graduasaun sei hahu iha dezembero nia laran,” katak Vice-Reitor de Area Cientifica e Pedagójica do Ensinu de Graduasaun, Universidade Dili (UNDIL), Prof. Francisco Martins da Silva, MBA ba jornalista iha nia knar fatin Quarta ne’e, (16/11/22).
Nia hatutan katak preparasaun ne’ebe mak hala’o antes gradusaun mak prosesu registrasaun no sei verifika husi parte superior no halo planu graduasaun tanba sei fo sai ba jornal republika
“Prosesu registrasaun primeiru tenke halo proposta ba dokumentus tuir requizitus ne’ebe iha liu husi parte superior fo sai, hatama hotu naran depois superior halo verifikasaun, hotu sei fo hateten hodi prepara halo planu ba graduasaun tanba sei iha mos publika ba iha journal de republika antes graduasaun, ne’e ba iha fakuldade 6, Ciensia Polituka, Direitu, Edukasaun, Saude, Ekonomia no Engineria”Tenik nia
Nia fundamenta Iudisium ne’e prosesu ida ba iha graduasaun, tanba ne’e tenke lao besik-besik ho graduasaun nian
Jornalista : Antonio Altamirando
Editor : Ekipa Editorial