Imajen asina akordu kooperasaun entre UNTL, KFP no INAP iha salaun KFP Matadoru,Segunda-Feira,26/09/2022
SAPNewsTL,Dili: Universidade Nasional Timor Lorosa’e (UNTL) hamutuk ho Komisaun Funsaun Públika (KFP) no Instituto Nacional de Administração Pública (INAP) halo akordu kooperasaun ba formasaun Metodolojia Peskiza Kualitativa.
Tuir Direktor Jeral INAP Agostinho Letencio de Deus katak akordu trilateral ne’ebé mak implementa Ona hetan assina husi UNTL, KFP No INAP ba formasaun Metrologia Peskiza Kualitativa.
“Ohin iha akordu trilateral entre akordu Formasaun Metodolojia peskiza kualitativu ba funsionariu iha Funsaun Públika nian, ne’ebé maka UNTL liu husi nia sentru nasional investigasaun sientifikas sei fornese servisu ida, atu selebra ou implementa, tenke iha akordu koperasaun ida, ohin ami mai asina akordu tékniku no hola parte husi Reitor UNTL , Presidente CFP no Diretor Jeral INAP”.Dehan Direktor Jeral INAP Agostinho Letencio de Deus jornalista sira iha salaun KFP Matadoru,Segunda-Feira,26/09/2022.
Entretantu, Direktor jeral ne’e mos kontente ho asina akordu kooperasaun ne’e tanba liu husi ne’e bele fo fiar ba rekursu sira iha rai laran hodi bele fo formasaun ho di’ak.
Iha fatin hanesan Prezidente KFP Faustino Cardoso Gomes hateten akordu ne’e halo oinsa mak atu hasa’e kuñesementu kona-ba metodolojia peskiza kualitativa no tenke iha kapasidade hakerek relatorio ho kualitativa .
“Ohin Loraik komisaun Funsaun Publika hamutuk ho UNTL, nune’e mos INAP asina akordu, servisu hamutuk kona-ba Formasaun iha ambitu metodolojia peskiza kualitativa nian atu oinsa hasa’e kuñesimentu hakerek Relatoriu sira ho natureza narativu no kualitativu tanba ne’e komisaum formasaun iha inisiativa servisu hamutuk ho UNTL liu husi ninia sentru investigasaun sientifika hamutuk ho INAP”. Tenik Prezidente KFP
Reitor UNTL João Soares Martins satisfas tebes ho inisiativa ne’e tanba UNTL hetan konfiansa hodi fornese mos formasaun kona-ba metodolojia peskiza kualitativu ba funsionariu sira.
“Importante tebes atu instituisaun estadu bele fo atensaun atu ekipa sira bele prepara an didi’ak atu bele fornese formasaun ne’ebé mak estadu hakarak”. Reitor ne’e informa
Jornalista: Juvita Sarmento & Antonio Tilman
Editor: Ekipa Editorial