Deputada Josefa Alvares Perreira Soares iha Plenaria Parlamentu Nasional Tersa (10/01/2023)
SAP NewsTL, Dili: Partidu FRETILIN liu husi Deputada Josefa Alvares Perreira Soares iha Plenaria kestiona merkadu Timor-Leste Livre loja sira halimar folin sasan tan ne’e nia husi ministeriu kompetente halo kontrolu ho investigasaun.
“Ita hatene katak loja sira mos halimar ho folin, tanba Merkadu Livre entaun loja sira hasa’e ninia presu konforme nia hakarak sem hare’e ba regras ida ne’e mak ladiak Entaun, ministeriu kompetente sira tenki tun kontrola no investiga situasaun sira hanesan ne’e tanba ida ne’e ladiak”, Dehan Deputada Josefa Alvares Perreira Soares iha Plenaria Parlamentu Nasional Tersa (10/01/2023)
Deputada ne’e esplika, sira ida ne’ebe la aplika regra kona-ba taxa ninian ne’e mak halo krime la’os ida aprova ne’e mak krime, krime lolos ne’e mak loja sira ne’ebe la tuir regra hodi hasa’e presu sasan tuir sira nia hakarak, labele sosializa enkuantu lei ne’e seidauk aprova, lei ne’e foin aprova iha loron 3 janeiru 2023 maibe sasan sa’e tiha ona stok 2022 ne’e sira hasa’e tiha ona folin tanba aproveita situasaun no buat ida ne’e labele, taxa sa’e ne’e ba produtu ha’at deit maibe produtu baziku ne’e laiha taxa no seidauk hasa’e.
Iha fatin hanesan deputada bankada PLP Regina Freitas hatete, oras ne’e sasan hotu folin sae duni maibe tuir lolos ne’e taxa sa’e ba produtu haat deit
“Oras ne’e daudaun fos folin sa’e los duni, maibe tuir lolos taxa sae ne’ebe mak aprova iha Parlamentu Nasional ba produtu haat deit mak bebida Alcolika, sigaru, masi-midar no kareta tula sasan nian”, tenik Regina
Nia akresenta, kareta ne’ebe atu tama mai, kareta mos iha kualidade ba taxa la’os, tanba ne’e mak hakarak ko’alia ida ne’e, buat ha’at ne’ebe kuandu ninia presu sa’e ne’e labele hakfodak ba maluk komprador sira ho vendedor sira, tanba ne’e aprova husi Parlamentu Nasional, maibe liu fali husi buat ha’at mak sa’e, ne’ebe mak oras ne’e ninia ekipa espalla iha Timor-Leste fo informasaun klaru ba povu atu nune’e produtu haat ne’e folin sa’e povu labele hakfodak
Iha sorin seluk deputada bankada FRETILIN Lidia Norberta Martins dehan, loja Xineza sira dalabarak halo manipulasan ba presu tan ne’e husi parte kompetente asegura ida ne’e tanba importante tebes.
“Akontese beibeik ona iha ita nia nasaun loja Xineza sira dala barak halo manipulasaun presu, tanba sira uza lian sira nian rasik husi esperensia sira ne’e, se bele AIFAESA, I.P ne’ebe halo servisu liu kona-ba lei ba konsumidor sira atu assegura mos kona-ba ida ne’e tanba importante tebes” dehan Lidia
Enkuantu, Daudaun ne’e Autoriedade Inspesaun no Fiskalizasaun Atividade Ekonomika, sanitaria no alimentar (AIFAESA)hala’o hela inspesaun no kontrolu ba loja sira liliu kompanha distribuidor sira iha kapital Dili inklui munisipiu sira tanba agora daudaun loza sira, kios sira hahu hasa’e folin sasan baziku sira maske guvernu hasa’e deit produtu sira hanesan asukaradas, Masi Midar, Tabaku no Kareta sira
Jornalista : Lidia Amaral
Editor : Augusto dos Santos