Imajem : Presidente Repúblika Jose Ramos Horta iha Hanoi-Vietnam, 02/08/2024. Foto : Média PR
SAPNewsTL, Dili – Prezidente Repúblika, José Ramos-Horta, fahe viajen notavel Timor-Leste nian hosi konflitu ba pás iha nasaun Vietnam.
Iha oportunidade ne’e, Prezidente Repúblika José Ramos-Horta hahú hodi konta hikas kona-ba Timor-Leste nia luta ba ukun-rasik-an no prosesu konstrusaun dame hafoin ukun-an.
Xefe Estadu Timor-Leste ne’e hatutan, papél krítiku hosi rekonsiliasaun no estabelese estabilidade ne’ebé ohin loron Timor-Leste goza.
Ramos Horta mos ko’alia kona-ba ninia envolvimentu iha inisiativa pás globál, no esforsu sira iha Médiu Oriente.
“Laiha funu ida maka lori pás, diálogu de’it maka lori pás.”PR Jose Ramos Horta sublinha iha Hanoi-Vietnam, 02/08/2024.
Bainhira husu kona-ba Timor-Leste nia adesaun ba ASEAN, Ramos-Horta espresa katak Timor-Leste nia kontribuisaun prinsipál sei fahe ninia esperiénsia kona-ba hari’i pás no ultrapassa konflitu ne’ebé prolongadu.
Timor-Leste no Vietname nia dalan ba auto-governasaun hodi sujere lisaun importante ne’ebé bele aprende hosi nasaun rua nia esperiénsia.
Prezidente Ramos-Horta enkoraja estudante akadémiku sira hodi kontínua aprende, haraik-an, respeitu, no kompromisu ne’ebé forte ba direitus umanus.
Durante vizita, Presidente Repúblika mos subliña relasaun diplomátika ne’ebé buras entre Timor-Leste no Vietname, inklui Timor-Leste nia envolvimentu ne’ebé aumenta ho komunidade ASEAN ne’ebé boot.
Iha vizita ne’e, José Ramos Horta hasoru malu ho Presidente Vietnam, Primeiru Ministru, Vise Ministru Negosiu Estranjeiru no akadémiku sira iha Vietnam.
Jornalista : João Marito