Imajen Seminariu iha Salaun UNITAL, 04/10/2022.
SAPNewsTL, Dili : Plataforma Nasional Besi Timor Leste ( PN, BESI TL), Water Aid Timor Leste no CARE Internasinal, servisu hamutuk realiza semináriu Públiku Foinsa’e no Estudante Enjenaria Nivel Universidade iha Dili, tuir Contry diretor Water Aid, Timor Leste Justinho da Silva haktuir iha peskija tinan kotuk iha area Likisa no Manufahi, Sistema 137 iha area rural 72% mak kontaminadu ho parteria vulneravel, inklui komunidade barak iha teritóriu nasionál barak sei konsume bee merak
“Seidauk iha peskija barak maibe ita hare peskija tinan kotuk iha area Likisa no Manufahi ba 137 sistema iha area rural 72% mak kontaminadu parteria vulneravel, tanba ne’e tenki aselera sistema teste laboratoriu, presiza halo laboratoriu besik ba Munisipiu sira nune’e bele teste bee kontaminadu, governu tenki prepara aimoruk hodi tau para evita tanba bee sira iha Timor torneira públiku sira la bele konsumu direita siknifika ita la bele hemu direita husi torneira tanba seidauk”. Dehan Country Diretor Water Aid, Timor Leste Justinho da Silva ba jornalista iha Salaun UNITAL Bekora, Tersa ne’e (04/10/22).
Imajen Intervista Country Diretor Water Aid, Timor Leste Justinho da Silva iha Salaun UNITAL Bekora, Tersa ne’e (04/10/22)
Entretantu, Presidente ANAS IP Domingos Pinto hatutan, ANAS nia ezisténsia ho nia funsões atu fiskaliza no monitariza aktividade bee saneamentu iha Timor Leste
“ANAS iha aktividade espesifiku ba ida ne’e liu husi implementa dekretu lei 31/2020 nian, atu hare kaulidade bee iha fornesimentu bee públiku, Saida mak durante ne’e ANAS nota husi aktividade sira ne’e maka ita husu BTL I.P, sira fó proposta mai saida mak atu haré kona-ba kaulidade bee ne’e, ANAS nota iha parámetrus balun ne’ebé seidauk atinji tuir padraun”.nia sublinha
Imajen Intervista Presidente ANAS IP Domingos Pinto
Presidente ne’e akresenta iha implementasaun kontrullu kaulidade tuir lei ne’e dala ruma balun la atinji pur-exemplu bee merak, tuir lei lolos bee ne’ebé ba komunidade ne’e tenki kualidade, BTL I.P tenke implementa tuir lolos polítika, Dala ruma komunidade hetan bee ne’e latuir padraun ida ne’e kestaun jestaun internal BTL I.P nian
Iha sikun seluk, Magnífiku Reitor UNITAL Florindo Pereira salienta, semináriu ne’e importante tebes, atu liu husi ne’e sir abele hato’o sira nia preokupasaun no propózitu sira oinsá bele asesu bee moos no kualidade tuir Lei ANAS I.P nian
“Seminario ida ne’e fo oportunidade ba ema hotu para hodi hato’o sira nia direitu para atu hetan bee moos iha ita nia rai laran ida”. Dehan Reitor UNITAL
Jornalista : Antonio Tilman & Marcella Mesquita Lemos
Editor : Ekipa Editorial