Imajem : Sekretariu Jeral FRETILI Mari Alkariti hala’o komunikadu imprensa iha Farol, 12/03/2025. Foto : Marciana da Conceição
SAPNewsTL, Dili : Relasiona ho krítiku husi intelektual, akademiku no públiku kona ba transferénsia pasiente ba Atambua, Primeiro ministru Kay Rala Xanana Gusmão no Prezidente Repúblika José Ramos Horta konsidera ospitál Atambua iha fasilidade diak, Marí Alkatiri sente moe se politika nasionál saúde mak haruka pasiente ba Atambua.
“Sai viral tanba ita boot mak hakerek dehan ba ona, balu dehan ita sai ba kabupaten, Ita sai suku, dala ruma ita hanoin katak ba Bali bele, ba Jakarta bele mais tamba Atambua iha kedas sorin be ita sai fali kabupaten Timor Kupang”.Dehan Primeiru Ministru Kay Rala Xanana Gusmão hafoin entrega kareta ambulánsia ba klinika Palasiu Presidensial, 13/03/2025.
Xefe Governu hateten, iha ema balu deklara katak sente moe tamba haruka fali pasiente ba kabupaten Atambua.
“Ida ne’e Primeiru Ministru rekunhese no ko’alia ona ba Presidente da Repúblika katak iha VII Governu no VIII Governu ne’e hospital funsiona ho diak no kapas, IX Governu mak estraga fali”. Katak PM Xanana Gusmão
Imajem : Primeiru Ministru Kayrala Xanana Gusmão no Prezidente Repúblika José Ramos Horta iha Palásiu Prezidensial, 13/03/2025. Foto : Media PR
Primeiru Ministru afirma “La’os katak atu haruka hotu ba Atambua, balu dehan haruka ba halo ita moe, tanba sa mak haruka fali ba Atambua, ha’u rekunhese ha’u dehan tiha ona ba Presidente Repúblika”. Nia rekunhese
“Ha’u rekonese katak iha VII Governu Hospital funsiona atu mate, VIII Governo aitonka buat hotu diak, IX Governu mak estraga tiha hotu ne’e”.dehan PM
Primeiru Ministru mós hatutan atu transfere pasiente ba Atambua, nia parte sei haree mós kondisaun no la’os haruka pasiente sira ba hodi taka tiha Hospital Nasional Guido Valadares ho sigla (HNGV).
“Atu ba haree kondisões iha ne’eba, karik iha moras ruma ne’ebé ita presiza, ita haruka ba la’os atu haruka hotu tiha para taka tiha Hospital Nasional Guido Valadares (HNGV)”. Nia deklara.
Imajem : Prezidente Repúblika José Ramos Hosta iha Comoro, 11/03/2025. Foto : Média PR
Ligadu ho pasiente ne’ebe moras iha Hospital Nasional Guido Valadares atu transfere ba Nasaun vizinho Nusa tenggara Timur (NTT) Atambua, Presidente Da Republica husu ba Intelektual ka Akademiku sira kritika presiza hanoin
“Ema sira be ko’alia ne’e dalaruma poblema Timor ho ita nia intelektual no kademiku balun seidauk haree didiak razaun saida mak ko’alia ba ida ne’e, Atambua besik, rabat los ho Maliana fronteira ne’e, familia iha sorin, balu timoroan barak iha Atambua ne’eba no sorin rua ne’e hotu no ladun gastu”. Hateten Horta ba Jornalista sira iha Centru formasaun Polisia (CFP) Comoro Dili,11/03/2025
Presidente Repúblika mós esplika oras ne’e governu mós esforsu hela oinsa halo tratamentu ba pasiente sira maibe fasilidade la sufisiente.
“Karik situasaun emergénsia, haruka ba Atambua tanba poblema liliu mak moras rins ne’e, dala ruma HNGV falta makina no la sufisiente ou avaria entaun haruka ba Atambua”. Nia informa
Entretantu, iha loron hirak liu ba Xefe Estadu Jose Ramos Horta halo vizita ba ospital Atambua no haree direita fasilidade ospital Atambua iha fasilidade ne’ebe Diak.
Sekretáriu Jeral Partidu FRETILIN, Marí Bin Amude Alkatiri sente moe, se polítika nasional mak lori pasiente ba Kapupaten Atambua, nia parte la konkorda ida ne’e tanba orgaun titular soberanu ida ba halo vizita hodi halo polítika.
“Se polítika nasionál saúde Timor-Leste nian mak ida ne’e, ha’u la konkorda, se pasiente hela iha Maliana ne’ebé besik tanba iha kondisoens hakarak ba diak, sai fali polítika tanba ita la konsege tau sasan atu ita nia sistema funsiona, ne’e halo ha’u moe, labele iha titular orgaun soberania ida ba hamutuk ho poupati ida ba vizita ospitál para apresenta dehan ne’e diak, titular orgaun soberania representa dignidade Timor nian”. Hatete Mari Alkariti iha Farol, 12/03/2025
Alkatiri konsidera Timor-Leste gasta ona osan hamutuk billiaun 23 USD maibe saúde no edukasaun kontinua la funsiona inklui laiha desenvolvimentu sustentavel.
“Ita gasta ona osan por volta de $ 23 Mil Milhões de dolares iha ita nia rain, saúde la funsiona, edukasaun la funsiona no desenvolvimentu sustentavel laiha, ita mak dehan Objetivu Dezenvolvimentu Sustentavel (ODS) maibe ita la hatene saida mak ita ko’alia, labele deklara fali funu kontra ema kiak”.
“Ha’u ne’e ko’alia tanba ha’u nia ulun ne’e moos, ha’u la tauk, ha’u hakarak kontribui para los ita hametin, buat ruma ke sala ita tenki hadia, la’os ha’u nia funsaun atu akuza no fo sala ema ida, ha’u nia konsiénsia moos”. Alkatiri deklara
Jornalista : Vinsensius Saldanha Morais De Araujo