Ezekuta Planu Atinji 82% ! APFTL Aposta Ba Prinsípiu Boa Governasaun

SAPNewsTL, Dili : Alumni Parlamentu Foinsa’e Timor-Leste (APFTL) realiza asembleia anual hodi halo apresiasaun ba relatóriu anual 2023 no debate planu asaun anual tinan 2024.

Iha entrevista, Presidente APFTL Zaulino Gomes da Silva hatete  reuniaun asembleia jeral ne’e hanesan espasu demokrátiku hodi relata ba membru sira relatóriu ezekusaun sira no planu anual nian ba membru sira hodi diskute hamutuk.

“Ohin APFTL ho esturutura APFTL nian hamutuk iha ne’e hanesan kultura organizasaun nian  nu’udar espasu demokrátiku ida ne’ebe organizasaun halo kada tinan tuir estatutu organizasaun, kada tinan orgaun ezekutivu sira mai relata ba membru sira kona ba saida mak organizasaun halo ona durante tinan ida nia laran no saida mak sei halo tan iha tinan tuir mai”. Tenik Presidente APFTL Zaulino Gomes da Silva ba Jornalista sira iha Salaun João Paulo II Comoro, 10/02/2024

Lider organizasaun juvenil ne’e hatutan, apresenta relatóriu no debate ne’e hanesan pratika  transparante no akutabilidade ida nudar prinsipiu husi boa governasaun

“Membru sira tenke hatene, tanba membru mak hari’i organizasaun ida ne’e. Entaun  membru sira tenke hatene rekusru  saida mak organizasaun ne’e gasta ona  no Nia rezultadu saida mak hetan durante tinan anterior no saida mak sei halo tan iha tinan tuir mai, desafiu no susesu saida hetan”. Zaulino Gomes da Silva hateten

Iha fatin hanesan, Membru  APFTL Fransisca  da Costa Soares sente orgullu bele hola parte iha asembleia anual liliu bele debate, diskute no aprova planu sira ne’ebe atu ezekuta ona inklui hatene tuir programa sira ne’ebe APFTL konkretiza ona durabte tinan ida (2023).

“Asembleia reuniaun  ida ne’e, objetivu atu membru hot-hotu tenke hola parte iha  asembleia refere  atu bele diskute ami nia planu ba  tinan 2024, iha tempu hanesan halo mos apresiasaun ba relatóriu qnual 2023 nian”.

“Sente kontente wainhira partisipa iha reuniaun ida ne’ebe mais krítiku, konstrutivu no dinámiku, kultura debate ida ne’ebe bele hanorin ami sai forte no metin liu tan ba futuru”. Francisca Soares afrima

Relatóriu Anual APFTL iha tinan 2022, Ezekutivu APFTL konsege ezekuta to’o persentagem hatnulu resin-nen (46%) la ezekuta 54%, iha tinan 2023 konsege ezekuta persebtagem ualunulu resin rua (82%) la ezekuta 18% husi ativiade hatnuku resin lima (45).

Daudaun ne’e, Organizasaun Juvenil APFTL halo ona parseria hamutuk ajensia internasional sira UNICEF, IRI, ChilFund Timor Leste, UNFPA, inklui stakeholder sira selul tan.

Organizasaun juvenil refere ninia programa sira barak liu foku ba asuntu juventude iha area sosial, ekonomia, politika no kultura inklui edukasaun sidadania ba foinsa’e sira, iha ne’ebe sempre fo formasaun, sensibilizasaun, halo peskija no seluk tan. Jornalista : Ermelinda Soares