Karta Pastoral ! Esperansa La Bosok, Kuidadu Ho Maromak Falsu Sira

Apostasia katak ema sarani ne’ebe publikamente la fiar ka nega total doutrina Igreja Católica nian, heresia katak ema sarani nebe publicamente nega parte balun husi doutrina Igreja Católica nian, cisma katak ema sarani nebe publikamente rezeita comunhão plena ho Igreja Católica.

Na ‘ilulik, diácono, madre, irmão, seminaristas, maun-alin no bin-feton sira no ema hotu nebé iha hakaran di ak:

Hori wain kedas Maromak nunka husik nia povu la’o mesak: iha moris atan nian iha rai Egipto”, iha dalan sira rai fuik maran nian”, iha halerik sira povy nian ba hamlaha no hamrook”, iha povo sira nia murmura hasoru Moisés no Maromak, iha sira nia neon nakukun no tauk nia laran”, iha sira nia dúvida no sira nia fila kotuk ba Maromak”. Iha situação hirak ne’e hotu, Maromak hatudu nafatin nia laran luak no nia laran sadia, Nia promesa sira la’os liafuan mamuk”, maibe nakonu ho esperança”.

Adventubmak tempu esperança nian. Tempu atu hakbiit ita nia neon titu; tempu atu halakon ita nia laran taridu no neon nakraik; tempu kmanek ba perdão no reconciliação ho Maromak, maun-alin sira no kriatura tomak, tempo atu foti ulun hateke ba oin, ho laran metin katak, ita la la’o mesak, Nia la’o hamutuk no horik ho ita nafatin basă Nia naran mak Immanuel katak Maromak ho ita.”

Maromak ida nebé hori uluk koalia fila-fila ona ba ita nia bei-ala sira ho dalan oi-oin, liu husi profeta sira, no oras ne’e, iha tempo ikus, Nia koalia mai ita liu husi nia Oan Mane. Jesus Cristo mak ita nia esperança! Esperança nebé ita hala’o iha biban adventu ne’e hetan nia sentido nakonu wainhira Jesus tama no hola isin ema nian no horik ho ita iha ita ema nia história.

Tinan rihun rua resin liu ba, Jesus hiit an tiha ona iha ita nia história; oras ne’e Nia mai nafatin iha Eucaristia no nia sei hiit an mai iha tempubikus hodi tesi-lia ba ema moris no ema mate. Esperança ida ne’e mak ita haklaken fila-fila iha eucaristia: “Na’i ami fo hatene ita nia mate, ami haklaken ita nia moris hias, Na’i Jesus hi’it an mai”.

Hasoru Na’i nia hi’it an mai, husu husi ita: laran badinas atu reza, laran haraik an atu hakribi salan, laran manas ba caridade. Iha biban nebé Kreda tomak hafoun an fali ho espiritubsinodalidade nian hodi moris iha comunhão, participação no missão.

“Ami bispu sira convida ita hotu atu halo: conversão pastoral no missionária; conversão estrutural; conversão hosi maromak falso sira mundo ohin loron nian: kan ba isin, osan no poder conversão”.

Imajem : Bispu Metropolita de Dili, Dom Virgílio Cardeal do Carmo da Silva. Foto : Marcela Mery da Costa

Na’ilulik, diácono, madre, irmão, seminaristas, maun-alin no bin-feton sira no ema hotu nebè tha hakaran di’ak:

Esperança advento nian realiza iha mistério Natal. Mistério konaba Kosok Oan Jesus nebé “maske Maromak, la tanesan An ho Maromak, maibe hamamuk nia An, hodi halo An sai atan, no sai ida de’it hanesan ema. Nu’udar ema, Nia haraik An liutan hodi halo tuir to’o mate no mate iha cruz”, Husi exemplo lala’ok moris Cristo nian nebe hatene hamamuk no haraik An mak ami Bispo sira exorta:

Atu ita hatene configura an ho Cristo Jesus, iha ita nia hanoin, hakaran, hahalok no lala’ok; Atu virtude haraik an no simplisidade sai iis moris sarani nian, tuir lia menon Papa Francisco nian iha Tasi tolu dehan: “Keta tauk atu sai ki’ik iha Maromak futar oin no iha ema nia oin. Atu hatene saran ita nia moris, fo ita nia tempo, dedica ita nia programa sira ba ema seluk nia diak. Nune’e, ita bele husik buat ruma husi ita nia an atu maun-alin ida ka inan feton ida bele soi moris diak no haksolok”;

Atu ita ida-idak moris tuir vocação nebé ita simu ona, bele aproveita biban adventu nian hodi halo exercicio espiritual nebé lori ita sai instrumento no manu ain esperança nian ba futuro;

Atu toman sira halo presépiu iha dalan ninin ho ahi lakan artificial oi-oin bele sai biban kmanek atu hafutar presépio fuan nian;

Atu ho Kosok oan Jesus nia moris halo Natal sai festa dame, domin no ksolok boot, nune’e fuan nebé malirin sai manas, fuan nebé toos sai mamar, néon nebé nakraik nakfilak ba néon ksolok, no ida nebe lakon esperança hetan néon metin.

Hamutuk ho Rahun diak Virgem Maria, inan esperança no banati kmanek haraik an nian, ita la’o hamutuk ba hasoru Na’i nia loron moris, ho néon nakloke no fuan metin katak ho Maromak buat hotu bele deit no loron aban sei sai diak liu.

Ami deseja Rahun Diak Advento no Ksolok Natal 2024 nian ba imi hotu.

Karta pastorál ne’e asinadu hosi Dom Norberto Bispo de Maliana e Presidente da CET, Dom Virgilio Cardeal do Carmo da Silva, SDB, Arcebispo de Dili e Pro-Presidente da CET. Dom Leandro Marjaa Alves, Bispo de Baucau e Secretário Geral da CET.

Dili, 1 Dezembru 2024

Jornalista : Marciana da Conceição