Lei Fo Dalan, SEI Husu Feto Koko Konkista Konfiansa Iha Eleisaun

SAPNwesTL,Díli : Sekretária Estadu ba Igualdade (SEI) Elvina Sousa Carvalho hala’o sorumutu ho Administrador Municipal sira no Grupo trabalho Interministerial halo avaliasaun ba Implementasaun Polítika Igualdade Jéneru

Objetivu husi Sorumutu ne’e hodi apresenta Relatóriu, Avalia servisu no oinsa bele asegura implementasaun politika iha Instituisaun ida-idak nian tuir rekomendasaun CEDAW

Tuir SEI Elvina Sousa Carvalho hateten Atividade ohin ko’alia liu kona-ba Grupu Trabalhu Ministerial ho Autoriedade munisipal sira hodi deskute oinsa asegura Polítika, Programa no planu ne’ebe mak sensivel ba géneru

“Sira nia papel ne’e importante teb-tebes iha implementasaun Programa Governu nian iha munisipiu ho interministerial sira. Ohin mos iha apresentasaun kona-ba relatóriu no rekomendassun Convention On The Elimination Of All Forms Of Discrimination Against Woman (CEDAW) no mos servisu SEI durante loron 120”. Tenik SEI Elvina Sousa Carvalho ba Jornalista Sira iha Salaun Novu Turizmu, 15/08/2023

Governante ne’e hatutan, Sorumutu ohin ko’alia Programa governu nian ne’ebe halai liu ba Igualdade Generu no inkluzaun, Rekomendasaun husi CEDAW ne’e nu’udar kontinuasaun husi relatóriu ne’ebe hatama ka hato’o ba komité CEDAW iha tinan kotuk

“Iha 2023, Ita hanesan nasaun ida ne’ebe mak adere ba konvensaun ne’e, Ita iha obrigasaun atu implementa Politika ou Adota Lei ka politika ruma bazeia mos ba konvensaun ne’e, Implementasaun Konvensaun ne’ebe mak ita halo periodikamente ita halo relatoriu ba konvensaun”.nia dehan

Relatóriu ne’e nia resultadu husi Komité CEDAW maka ohin halo apresentasaun hodi fahe mos informasaun ba grupu trabalhu interministerial no mos iha munisipiu sira hodi hatene katak resultadu ne’e mak apresenta ona

“Ita iha rekomendasun Barak mak ita halo, ita sei la para iha Ita Nia atividade sosializasaun ka tranzmite relatoriu, ita mos sei ba interminiterial sira, Parlamentu Nasional no Instituisaun sira ne’ebe mak hanesan savi ba implementasaun”.SEI afirma

Liga ba Eleisaun Líderansa Komunitáriu, Sekretaria Estadu ne’e enkoraja feto sira hodi kandidata an tanba lei fo dalan, Nune’e Guvernu sei promove igualdade géneru no partisipasaun feto iha suku hodi partisipa no konkista Konfiansa iha Eleisaun Suku

Antes ne’e, Guvernu liu husi Konsellu Ministru aprova ona data ba realizasaun Eleisaun Suku ne’ebe sei akontese iha Loron 28 Fulan Outubru tinan 2023

Jornalista : Aquelina Mangalhães