MESCC Sei Publika Lista UNTL & IPB Besik 5.000 Iha 9 Fevereiru
Imajem : Ministro do Ensino Superior, Ciência e Cultura (MESCC, sigla Portugués) José Honório iha salaun Ministériu Sosiedade Sosial no Inkluzaun, Kaikoli, 03/02/2026.
SAPNewsTL, Díli : Ministro do Ensino Superior, Ciência e Cultura (MESCC, sigla Portugués) José Honório, hateten MESCC sei anusia lista estudante asesu Universidade Nacional Timor Lorosa’e (UNTL) no Instituto Politécnico Betano (IPB) besik rihun lima iha loron 09 fulan febreiru tinan 2026.
Marcela Mery da Costa – Sapnews Pro
“Assesu ba ingresu ba UNTL no IPB, hahu iha koresaun, no horseik presidente kaixa koalia ona ho ha’u katak iha dia 09 de fevereiru ne’e sei halo anusia ba estudante ne’ebe mak tama ba UNTL ho IPB” Dehan Ministro do Ensino Superior, Ciência e Cultura (MESCC, sigla Portugués) José Honório, ba Jornalista sira iha salaun Ministériu Sosiedade Sosial no Inkluzaun, Kaikoli, Díli, Tersa-Feira, 03/02/2026.
Governante ne’e informa estudante ne’ebe mak passa hodi assesu ba UNTL no IPB besik 5 mil.
“Estudante por volta de de 5 mil tanba ita haree ba sira-nia valor no ami-nia tekniku sira servisu makas hodi haree ba ida ne’e, ha’u sempre koalia ba sira tenke rigor no tuir regras sira ne’ebe mak iha, nune’e ita-nia estudante sira ne’ebe mak assesu ba UNTL ho IPB ne’e estudante ne’ebe mak kualifikadu”.
MESCC subliña estudante ne’ebe mak assesu ba Instituto Politécnico Betano ho regime espesial no regime oportunidade hamutuk 400.
“Estudante ba IPB nianhamutuk 400 ho regime espesial no oportunidade, no ba medicina jeral rigor oituan tanba valor husi 55 ba leten mak bele passa, no kursu sira seluk ita haree, maibe ba fakuldade direitu mos rigor no tenke hatene lingua Portugués”. Nia sublina
Enkuantu, Ministro do Ensino Superior, Ciência e Cultura salienta iha dia 09 fulan fevereiru tinan 2026, sei halo mós inskrisaun ba estudante foun iha ETCI-Ermera.
