Mota Lori António & Angélica Ho Motor ! Husik Hela Oan Feto Na’in 4
Imajem : Maktoban Antonio Gomes Martins no Angelica de Jesus ne’ebé mota lori iha postu administrativu Atsabe, 26/12/2024. Foto : João Marito
SAPNewsTL, Ermera : Akontesimentu udan bo’ot rezulta mota lori no halakon Antonio Gomes Martins no Angelica de Jesus nia vida iha postu administrativu Atsabe, Munisípiu Ermera.
António Gomes Martins ho nia fen Angelica de Jesus ho motor ida hala’o viajem husi uma família fen nian, hafoin mota lori sira rua, tuir mai família buka tuir no hetan sira nain rua, maibè la konsege salva sira na’in rua nia vida,
Familia sira hetan uluk Matebian Antonio Gomes Martins, hafoin hetan nia fen Angelica de Jesus ho kondisaun ulun nakfera no bee-tama kabun laran.
Tuir informasaun ne’ebé Jornalista SAPNewsTL rekolla iha terrenu nota katak sira nain rua hala’o viajem, wainhira fila hosi família fen nian no ida dalan mak sofre asidente hodi rezulta sira rua lakon vida.
Imajem : Motor ne’ebé matebean António Gomes Martins konduz no mota lori iha Atsabe.
“Hafoin fila husi uma família fen niqn, to’o iha diresaun Aldeia Tapo-Mea Postu Administrativu Atsabe, udan boot ne’e rezulta akontesimentu mota boot lori sira rua no halakon sira nia peregrinasaun moris iha mundu”. Jornalista SAPNews rekolla direta iha terrenu, Atsabe,27/12/2024.
Mate isin Angelinca de Jesus ho nia laen hetan iha mota area Suku Malabe postu Atsabe, sira na’in rua mate husik hela oan feto na’in haat (4) ho sexu feto hotu.
Oras ne’e mate isin rua translada ona ba matebean nia rezidénsia hodi hein prosesu fúnebre tuir kultura no tradisaun família nian.
Notísia kompletu SAPNews sei kontinua rekolla hodi fo sai iha tempu badak.
Jornalista : João Marito
