Papa Francisco Preokupa Dekadénsia Moral & Rikusoin, Halo Ema Barak Sai Delek No Egoista

SAPNewsTL, Díli – Durante prezide misa iha Tasi-Tolu, Santu Padre Papa Francisco hateten, infelizmente dekadénsia moral buras, rikusoin barak maibe halo ema kbi’it laek sira matan delek hodi haksolok ho ideia auto-sufisiente hodi la presiza ona Na’i Maromak.

“Kosok oan ida moris ona ho ita, Oan mane ida Maromak haraik ona ba ita, ida ne’e maka liafuan sira ne’ebe profeta Izaias hato’o ba ema jerujalém sira, iha tempu ne’ebe sidade ne’e riku los, maibe infelizmente dekadénsia moral mós buras tebes, iha rikusoin barak tebes maibe moris diak ne’e halo ema kbiit laek sira matan delek hodi habosok sira ho ideia ida atu sai auto-sufisiente ne’ebé la presiza ona Nai Maromak no sira nia hanoin ida ne’e halo sira sai egoista no injustu”. Dehan Santu Padre Papa Francisco liu husi nia omilia ba sarini sira iha Tasi-Tolu, Tersa-Feira,10/09/2024.

Santu Padre Papa Francisco iha rikusoin barak maibe ema ki’ak sira sai abandonadu no moris ho hamlaha, infidelidade sai buras no prátika relizioja menus.

“Maske sidade ne’e iha rikusion barak maibe ema kiak sira sai abandonadu no moris ho hamlaha, infidelidade sai buras no pratika relizioja sai menus, loron ba loron sai formalidade ida deit, mundu ida ne’ebé husi oin habosok ema ka falsu maibe subar hela realidade ida ne’ebe nakukun, triste, todan no kruel, honestidade ba konversaun, laran luak no mizerikórdia sai kuran”.

Na’i Maromak sei halo sira nabilan ho roman boot hodi hasai sira husi nakukun sala nian laos ho forsa liman kroat, kilat ka rikusion maibe ho haraik oan mane ida.

“Tanba ne’e profeta haklaken ba nia sidadaun sira katak Maromak sei loke orizonte foun ida ba sira, futuru ida ho esperansa no ksolok iha ne’ebé ho presaun no funu sei hetan bandu ba nafatin, Nai Maromak sei halo sira nabilan ho roman boot ida ne’ebe sei hasai sira husi nakukun sala nian ne’ebe hanehan no ida ne’e Na’i Maromak sei halo la’os ho forsa liman kroat nian laos ho kilat ka rikusoin maibe hodi haraik oan mane ida, mai ita para oituan hodi reflete imajen ida ne’e, Nai Maromak halo nabilan no roman maksoin liu husi karan ka dom oan mane ida”.

Santu Padre sublinha iha mundu tomak bainhira labarik ida moris mai ne’e sai hanesan momentu nabilan ho ksolok no sai dezeju ba ema hotu hodi hafoun an iha buat di’ak, atu fila fali ba pureza no simplesidade.

“Iha fatin hotu-hotu no iha mundu ne’e, loron labarik ne’ebe moris mak momentu ne’ebé nabilan ho ksolok no festa ne’ebé hamosu iha ema hotu-hotu, dejezu ka hakarak diak sira atu hafoun aan iha buat diak, atu fila fali ba pureza no simplesidade”.

“Iha bebe oan foin moris ida nia oin, ema nia fuan ne’ebé toos liu mos sei sai mamar no nakonu ho ternura, ema sira ne’ebé dezanimadu mos hetan fali esperansa, ema sira ne’ebé rende ka hakiduk ona mos mehi fila fali no fiar iha posibilidade atu hetan moris ida ne’ebé di’ak liu tan”. Santu Padre hatutan.

Kosokoan ida nia frazilidade lori mensajen ne’ebé forte tebes, to’o ba ema sira ne’ebé fuan toos hodi lori fila fali propozitu ba sira hodi hetan armonia no hakmatek.

“Kosokoan ida nia frazilidade lori ho mensajen ida ne’ebé forti tebes, ne’ebé taka too ba ema sira ne’ebé fuan toos liu hotu, lori fila fali hakarak ka propózitu atu hetan armonia no hakmatek, maravillozu tebes buat ne’ebé akontese bainhira kosokoan ida moris”.

”Simplesmente roman oan ida ne’ebé hatudu ba ita roman ida boot liu tanba iha moris ne’e nia abut tomak ita hetan Nai Maromak nia domin rohan laek, grasa, providénsia no nia kbi’it liafuan nian ne’ebé kria”.

Enkuantu, iha misa espanada ne’e partisipa husi makaer ukun sira, Bispu sira, padre no madre sira, no sarani katólika timorense hamutuk rihun atus neen resin (600.000), peregrinu hirak ne’e mai hosi Dioseze Baukau, Maliana no Metropolita de Díli inklui peregrinu balun hosi Kupang no Atambua (Indonésia), Austrália, Portural.

Jornalista : Marciana da Conceição