SEFOPE Despede Traballador 71 ! Governu Sei Halo Rekrutamentu Ba Area Agrikultura

SAPNewsTL, Dili – Governu Timor-Leste liu husi diresaun Sekretáriu Estadu Formasaun Profesionàl no Empregu (Sefope, sigla Portugués) kontinua despede trabailhador Timoroan 71 ne’ebe sei koloka ba servisu iha area peskas no fabrika.

Sekretario Estadu Formasaun profesionàl no Empregu (SEFOPE) Rogerio Araujo Mandonça, informa, trabalhodor Timoraon sira ne’ebe mak atu ba servisu iha nasaun Corea, SEFOPE sempre realiza serimónia despedida liu husi asina deklarasaun.

“Governu mai ho objetivu ida hodi fo mensagen ba ita nia trabailhador sira ne’ebe ba servisu iha ema nia rai, atu nune’e sira servisu tuir regulamentu ou lei ne’ebe vigor iha ema nia nasaun, tamba ita hare katak kada tinan Timor kontinua haruka trabailhador sira ba servisu iha nasaun Corea entaun Corea disponivel tebes simu ita nia trabailhador.” Hateten Sekretáriu Estadu Formasaun Profesionàl no Empregu, Rogerio Araujo Mandonca ba Jornalista sira iha Salaun Timor Lodge, Sexta (16/02/2024)

Governante ne’e akresenta, Sefope hakarak hato’o mensajen ba trabalhadores Timoroan sira ne’ebe kompremetidu ona ho Governu Timor Leste no Governu Corea atu labele halai sai husi sistema servisu nian tuir prosedimentu deklarasaun, ne’ebe asina ona.

“Ita nia trabailhadores halai sai husi sistema probelema ne’ebe prejudika ba sira iha area servisu nian, Governu laiha responsabilidade tamba tuir deklarasaun ne’ebe, Sefope ho familia trabalhadores asina hanesan termu legalidade entre familia trabalhador ho Governu, nune’e servisu nain balun mak tenta halai sai husi sistema, Governu konsidera familia mak toma responsabilidade ba trabalhadores ida ne’ebe halai sai husi sistema karik trabailhador ne’e hetan asidente iha lokalizasaun servisu nian”. Nia firma

Aleinde despedida trabailhadores Timoroan 71 Sekretario Estadu Formasaun Profesionàl no Empregu (Sefope), Rogerio Araujo Mandonça, klarifika durante ne’e Governu Corea fo oportunidade ba trabalhador sira serbisu deit iha area Peskas no fabrika, maibé agora Governu Corea iha komitmentu hakarak rekruta tan trabailhadores Timoroan ba servisu iha area Agrikultura nian tuir prosedimentu ne’ebe Governu sei anunsiu iha prosesu tuir.

“Governu Corea fo ona oportunidade mai ita, ho nune’e joventude ne’ebe iha interese hakarak aproveita presija atingi prosesu teste hafoin hakat ba servisu iha area agrikultura, ha’u hanoin Joventude sira tenki preparadu diak liu tan liu husi imi nia vontade, koinesementu no mentalidade atu envolve iha eskola tekniku vokasional sira ne’ebe iha area agrikultura hanesan, ESPP Natarbora, Bobonaro no Fuiluro”.

Nia fundamenta joventude sira labele lakon esperansa, tamba joven mak foinsa’e ida ne’ebe nakonu ho espiritu atu aprende, hola parte mos iha edukasaun non formal sira tamba nia konsidera kursu mak dalan uniku ba ema hotu atu hatene lingua hodi reforsa kapasidade intelektuais kada pessoa ne’ebe mak diak bele hetan oportunidade hodi ba servisu iha Corea

Iha fatin hanesan, representante trabailhador Viktor Tilman, senti previlegiadu tanba konsege pasa ona prosesu lubuk ida ne’ebe sentru formasaun implementa hodi hakat ba serimónia despedida entre Governu Timor-Leste ho familia trabalhador, liu husi asina nota deklarasaun kompremetidu ba trabalhador 71 ne’ebe pasa ona iha area peskas no fabrika.

“Ho felisitasaun ksolok teb-tebes, ha’u hakarak hato’o agradesementu ba inan aman sira ne’ebe motiva ona ami iha prosesu nia laran, ha’u mos agradese ba Governu Timor-Leste ne’ebe kolabora ona ho Governu Corea hodi fo oportunidade mai ami joventude atu kore an husi Desempregu ne’ebe numeru bo’ot iha ita nia nasaun Timor-Leste”

Viktor hatutan hanesan foinsa’e senti kontente tamba ohin loron hamutuk ho familia sira ofialmente asina ona deklarasaun kompremetidu ho Sekretáriu Estadu Formasaun Profesionàl no Empregu (Sefope) nu’udar momentu ikus despede husi governu Timorense.

“Mensajen ba belun foinsa’e sira katak, mai husi foho atu aprende hodi investe iha setor edukasaun formal maibe atu hadia kualidade edukasaun iha futuru, tenki investe iha edukasaun non formal sira ne’ebe sentru formasaun fo oportunidade ba joventude feto no mane atu aprende iha area oioin hodi eleva kapasidade joventude nian sai diak”

Traballador Timor oan nain hitunulu resin ida (71) ne’e tuir planu sei aranka ba Korea do Sul iha fulan ne’e, alenide ne’e mos Governu Koreia sei loke dalan mos ba traballador sira ne’ebe hakarak ba servisu iha area agrikultura nian iha tinan ne’e.

Jornalista : Guilhermino da Cruz Ramos