Sorumutu Ho Parseiru Sira ! Hugo Deklara Sei Dizitaliza CNC, I.P

Imajem : Diretor CNC I.P Hugo Maria Fernandes, iha salaun CNC antigu komarka, Balide Segunda (26/08/2024). Foto : Guilhermino Ramos

SAPNewsTL, Dili – Centru Nacional Chega Institutu Públiku (CNC I.P sigla Portugués) realiza reuniaun parseria entre organizasaun nasionál, instituisaun rejional no organizasaun internasionál sira hodi diskute kona-ba prevensaun arkivu no dizitalizasaun CNC I.P.

Diretor CNC I.P Hugo Maria Fernandes hateten, objetivu husi enkontru parseria ne’e, hodi rona komitmentu husi organizasaun internasional sira esplika kona-ba apoiu tékniku ne’ebe organizasaun no instituisaun internasional sira sei fo apoiu hodi tulun Centru Nasional Chega nia dezenvolvimentu.

“Iha enkontru ne’e kompostu husi organizasaun nasional, instituisaun rezional no internasional sira ne’ebe CNC konvida hodi mai partilha sira nia konhesimentu, entaun ekipa ne’e nia responsabilidade mak atu tulun arkivu chega nia dezenvolvimentu,” Dehan Diretor CNC Hugo Maria Fernandes ba Jornalista sira iha salaun CNC antigu komarka, Balide Segunda (26/08/2024)

Diretor CNC akresenta, Instituisaun Internasional hirak ne’e partisipa iha reuniaun konsultivu parserial ne’e, tamba antes ne’e CNC servisu hamutuk ho organizasaun internasionál sira hodi arkiva historia nasional iha Timor-Leste no mos arkivu iha muzeum rezistensia sira husi internasional.

“Primeiru husi sentru arkivu foun ne’ebe hari’i iha nasaun Cambodia inklui ONU, hari’i mos tribunal iha Cambodia sai hanesan memoria mundial, ka memoria funu nian ne’ebe hari’i iha Coreia do sul”, tenik nia.

“Ida seluk mak arsip nasional Indonesia, ekipa ne’e nia responsabilidade mak atu tulun arkivu chega nian iha dezenvolvimentu, ita konvida sira mai enkontru loron rua, depois sira bele fo rekomendasaun ba CNC no apoiu ekipamentu tekniku mak barak, ita presiza sosa ekipamentu, nune’e bele dizitaliza arkivu sira ne’ebe CNC iha, oinsa mak bele fo asesu diak liu ba públiku liu hosi hari’i sistema asesu ba arkivu nian hodi reforsa arkivu ne’ebe mak diak liu”.

Dirijente CNC I.P Hugo Maria Fernandes argumenta, ekipa traballu ne’e fo rekomenda ba ekipa tekniku hodi dezenvolve Centru Chega diak liu iha futuru, ekipa trabalhu sei kontinua fo apoiu teknikamente ba Centru Chega, oinsa mak bele dezenvolve serbisu tomak iha CNC.

“Imi haree ba numeru arkivu ne’e tenki dizitaliza mais 50 mil, entaun ita labele ho deit ekipamentu sira ne’ebe simples hodi arkivu historia sira, ita presiza ekipamentu sira ne’ebe mais avansadu, durante ne’e ita halo dizitalizasaun tinan lima nia laran, dalaruma ita husu 50 mil, ne’e 10 mil ita seidauk rezolve problema tamba fasilidade la sufisiente, ekipamentu mos laos ekipamentu ne’ebe modernu”. nia sublinha

Nia hatutan, ekipa ne’ebe hala’o servisu iha Centru Nasional Chega, iha area prezervasaun no memorializasaun hamutuk ema nain sanulu resin mak servisu espesifikamente ba arkivu historiku sira. Ema nain hitu (7) asume responsabilidade hanesan xefe departamentu, iha parte dokumentasaun nian pessoal nain haat (4) ne’e fahe tarefas ida halo dizitalizasaun ba audio, scan ba dokumentu sira, pessoal ida nia tenki transkisaun ba dokumentu, ida seluk halo kategorizasaun.

Diretor Centru Nasional Chega deklara katak CNC hasoru problema kona-ba menus rekursu humanu, hodi apoiu serbisu chega nian, maibé CNC kontinua konvida parseiru sira atu bele apoiu servisu arkivu historiku sira ho modelu dizitalizasaun iha CNC, maske orsamentu geral estadu kada tinan Governu aloka ho montante kiik hodi apoiu dadur sira maibé Governu la tau prioridade ba problema funcionariu CNC ne’ebe menus.

“Ema sei menus, dalaruma iha Centru arkivu ne’ebe mak ami vizita iha ema nia nasaun, ema nain tolu mak halo serbisu maibé iha chega servisu ida, ema ida mak halo karik dizitalizasaun ida ne’e mak diak liu servisu rapidu iha pozisaun, ami tenki aumenta ema. alokasaun osamentu limitadu tinan tinan husi Governu, dadur sira apoiu maibe koalia kona ba funcionariu dadur sira lakoi, tanba menus osamentu husi Governu CNC desidi hapara trabalhado nain ha’at”. nia informa

Jornalista : Genoveva Lopes Sarmento