APC Rejistu Familia Afetadu 34 ! Uma 5 Hetan Estragus
Imajem : Xefi Relasaun Externa Autoridade Protesaun Sivil Nelson Nunes de Orleans, iha salaun APC Kaikoli, Segunda (01/07/2024)
SAPNewsTL, Díli – Autoridade Protesaun Sivil (APC sigla Portugués) liu husi Gabinete Relasaun Externa no Komunikasaun, rejistu tipu kazu dezastre naturais, insendiu, erozaun, no anin bo’ot afeta uma lima (5) hetan estragus no familia afetadu hamutuk 34 mak sai vítima
Tuir Xefi Relasaun Externa Autoridade Protesaun Sivil (APC), Nelson Nunes de Orleans hateten, durante fulan juñu nia laran APC liu husi ekipa turnu, Munisipiu serbisu hamutuk ho ekipa nasionál observa, durante semana ida ne’e, iha rejiaun Timor-Leste normal no akontese tipu dezastre, insendiu, erosaun, no anin boot rezulta komunidade nia uma hetan estragus.
“APC rejistu tipu kazu dezastre hamutuk tolu 3 (Ahi han, Anin Bo’ot, no Rai halai), numeru uma estragus lima 5, hatama kategoria tolu 3 ho numeru ema afetados 34 liu-liu iha Munisipiu sira hanesan, Aileu Ahi han (1) anin sobu uma ida (1) Ermera, Ahi han uma ida (1) Rai halai estragus uma tolu (3)”. Dehan Xefi Relasaun Externa Autoridade Protesaun Sivil Nelson Nunes de Orleans, ba Jornalista sira iha salaun APC Kaikoli, Segunda (01/07/2024)
Nia hatutan, hafoin akontesimentu, Komandu APC Munisipiu ho parseirus relevante sira fornese asistensia emerjensia ba familia afetadu sira iha lokal akontesimentu tanba laos Ahi-han (food item & Non-food Item), entaun Komando Operasional (APC) Munisipiu kontinua halo levantamentu detallu kona-ba sasan ne’ebe estragus no lakon.
“Ita nia ekipa APC iha Munisipiu serbisu hamutuk ho parseiru relavante sira tun direita ba fatin akontesimentu hodi halo intervensaun ba komunidade sira ne’ebe hetan dezastre ita nia ekipa apoiu emerjensia ba komunidade afetadu sira”.
Enkuantu, tuir dadus ne’ebe APC relata hatudu katak, Munisipiu Aileu, deskrisaun ba akontesimentu iha Postu Administrativu Aileu Vila, Suku Liurai, Aldeia Rairema, iha loron 24/06/2024, Akontese ahi han komunidade nia uma ida 1, Rezulta uma nain kanek kaman. Munisipiu Baucau Postu Administrativu Quelicai, Suku Baguia, Aldeia Laua liu, iha loron 25/06/2024 akontese ahi han komunidade nia uma ida 1. Suku Makalaku, Aldeia Puci-lau, iha loron 23/06/2024j akontese anin sobu komunidade nia uma adat ida 1.
Munisipiu Ermera Postu Administrativu Hatulia B Suku Urahou, Aldeia Caitur loa, iha loron 21/06/2024 akontese rai halai estraga komunidade nia uma tolu 3. Suku Fatubolu, Aldeia Fatubolu, iha loron 21/06/2024 akontese Ahi han komunidade nia uma ida 1.
Entretantu, hafoin akontesimentu dezastre naturais hodi rejulta komunidade nia uma hetan estragus ekipa Autoridade Protesaun Sivil, Munisipiu ezekuta orden Komando APC hodi halo intervensaun ba akontesimentu no apoiu emerjensia ba komunidade afetadu sira.
Jornalista : Dircia Baptista Belo & Geronimo da Purifikasaun