![Armindo Konsidera SAPNews Midia Alternativa Ba Komunidade Armindo Konsidera SAPNews Midia Alternativa Ba Komunidade](https://sapnewstl.com/wp-content/uploads/2024/02/59e0e0a6-784d-4914-9ae0-372b1db603b3.jpg)
Armindo Konsidera SAPNews Midia Alternativa Ba Komunidade
SAPNewsTL, Dili : Konseleiru Mídia SAPNewsTL Eng. Armindo de Jesus konsidera SAPNews hanesan mídia alternativu ne’ebe eziste iha Timor-Leste tanba identiku ho joven sira ne’ebe enérjiku, produtiva no koragem.
Ha’u Armindo de Jesus, alumni ida husi Universidade Nasionál Timor Lorosa’e (UNTL), servisu iha Informátoka Teknolojia (IT) desde tinan 2002, ha’u husi munisípiu Covalima, agora dadaun servisu iha Konsellu Impresa Timor Leste hanesan assesor ba informasaun teknologia komunikasaun ninian.
Media SAPNewsTL nia ezisténsia sai hanesan alternalivu ida ba iha Timor-Leste tanba nia divulgasaun informasaun sira ne’ebe mak fo sai iha plataforma online ne’ebe mak konsistensia, kobertura ida ne’ebe mak imparsial, informasaun ida ne’ebe mak ba ha’u pessoal furak tebes liu-liu ba sira lian laek sira tanba SAPNewsTL tuir ha’u nia haree divulga informasaun sira ne’ebe mak realidade akontese iha ita nia rain no rai-liur.
Informasaun sira ne’ebe mídia ne’e foka, sempre relevante tebes ba Timor oan hotu ninia interese, SAPNewsTL ne’ebe mak nia jornalista sira mesak foinsa’e deit, ha’u haree hanesan esperansa foun ida no fo mos esperansa ba informasaun ne’ebe mak atu hetan, ha’u kontente ho presensa mídia ne’e tanba bele fo alternativu ida, espera servisu ida ne’e bele kontinua no diak liu tan ho aktualizasaun informasaun ne’ebe profisional, imparsial, independente no kredivel.
Wainhira ha’u simu hanesan konseleiru SAPNewsTL, iha motivasaun bo’ot tanba Grupu SAPNewsTL ninian ne’ebe mak involve ne’e mesak jovens, sira ne’e eziste munisipiu sira hotu, ida ne’e hanesan koragem bo’ot ida ba foinsa’e sira ne’ebe iha SAPNewsTL nia laran motiva tebes ha’u atu akompanha media ne’e nia dezenvolvimentu.
Ha’u nia mensagem ba kolega sira iha SAPNewsTL, atu labele laran taridu, iha koragem nafatin servisu ho volúntariu ne’ebe hahú ona, labele para iha ne’e kontinua nafatin mesmu iha dejafiu barak mak ita hasoru, ha’u espera iha tinan 2024 ne’e ita bele la’o diak liu tan. Hau nia esperansa ba SAPNewsTL sai media alternativu ne’ebe mak digitalizadu ho informasaun ne’ebe mak balansu, imparsial, kredivel. Nune’e bele sai duni media alternativu ida iha Timor-Leste.
Jornalista : Marcela Mery da Costa