Asidente Iha Ainaru ! Joven Estanislau Lakon Vida
SAPNewsTL, Ainaru : Ohin maiz ou menuz tuku 6 loraik mosu insidente ida iha Area Bolmeto Postu Administrativu Ainaru Villa, Insidente ne’e rezulta joven ida ho naran Estanislau dos Reis lakon vida tanba nia ulun baku ba fatuk
“Karreta ne’e tula sasan husi Munisipiu Dili atu ba Covalima mak halai tun husi desida mak ho sasan ne’ebe todan halo karreta nia echo tohar, ikus mai ajudante (kongjak) ida mak hakfodak haksoit tun maka nia ulun baku ba fatuk entaun nia sofre kanek iha parte ulun ho kondisaun grave”. Informa José da Silva Araujo ba SAPNewsTL liu husi via telefone iha Ainaru, 27/11/023.
Jose da Silva informa, nia parte halai husi kotuk mak de repente karreta nia echo tohar no baku fila, karreta refere tuka sasan husi Dili ba Covalima, Postu Suia ho ajudante na’in tolu maka enfrenta asidente ne’e iha area Bolmeto Postu Administrativu Ainaru Villa.
Entretantu, Joven ida ne’ebe sofre kanek todan, hetan ajuda husi karreta estadu ida mak lori ona ba ospital referal Postu Administrativu Mubesse, Munisipiu Ainaru hodi halo tratamentu urugente maibe la konsege salva nia vida tanba sofre kanek grave ka ulun nakfera.
Daudaun ne’e, Karreta refere sei monu hela iha estrada ninin, karreta ne’e mos nia roda sai aat, vidru katreta sai rahun, mesing karreta barak sai aat.
Enkuantu, Kondutor hamutuk ho ajudante na’in rua, sira nain tolu hetan kondisaun ne’ebe diak no laiha kanek ruma.
Jornalista : Marcela Mesquita Lemos