Asidente Iha Atambua ! Eis PR Taur Deklara Taka Kazu
Imajem : Presidente Repúblika Jose Ramos Horta & Eis Prezidente Repúblika Taur Matan Ruak iha resintu Palasiu Presidensial Aitarak-Laran, 24/07/2024. Foto : Guilhermino Ramos
SAPNewsTL, Díli – Eis Primeiru-Ministru da Republika Demokrátika de Timor-Leste, Taur Matan Ruak, informa ba Prezidenti Republika, José Ramos kona-ba akontesimentu asidente trafiku iha Kupan Atambua, ne’ebe komete husi soldadu Tentara Nasionál Indonesia (TNI).
Eis Prezidente Repúblika Taur Matan Ruak hateten, kazu ne’e akontese bainhira nia ho ekipa fila husi Região Administrativa Espesiál Oe-cusse Ambenu (RAEOA) liu husi diresaun terestre, Kupang Atambua, atu mai Dili, mak rezulta karreta militar, Indonesia nian ho marka ysuzu, soke karreta ne’ebe tula eis Primeiru-Ministru Taur Matan Ruak ho ekipa.
“Ohin ha’u hasoru malu ho Prezidenti Republika ko’alia kona-ba ba asuntu barak los, aleinde ne’e ha’u mos informa ba Prezidenti Republika kona-ba asidente ne’ebe akontese iha Kupang-Atambua Indonesia iha loron 22 foin lalais,” Dehan eis Primeiru-Ministru Taur Matan Ruak ba Jornalista sira hafoin hala’o enkontru ho Prezidente Republika, iha Palasiu Prezidensial Aitarak-laran, Quarta (24/07/2024)
Eis xefi estadu Taur Matan Ruak afirma, hafoin akontesimentu iha loron 22 fulan jullu, nia parte deklara ba komandante batilaun Polri kona-ba akontesimentu dezastre ne’e, nune’e nia husu ba polisia investigasaun Indonesia atu bele taka kazu asidente ne’e, tamba nia konsidera asidente ne’ebe akontese desesperadu,
“Ha’u husu ba parte investigasaun liu-liu polisia tranzitu Indonesia nian, taka kazu no mos parte investigasaun Indonesia labele kastigu soldadu Tentara Nasionál Indonesia (TNI) nia motorista ne’ebe kondus karreta, hodi hamosu asidente, importante autor sira koopera ho polisia tranzitu Indonesia nian”.nia dehan
Eis Prezidente Repúblika Taur Matan Ruak akresenta, hafoin akontesimentu kazu asidente iha loron rua nulu resin rua, nia parte direitamente hasoru malu ho komandante batilaun Polri hodi informa atu labele avansa kazu desesperativu ne’e tuir dalan legal.
Entretantu, akontesimentu asidente trafiku ne’e iha loron 22 fulan Julhu tinan 2024 foin lalais ne’e iha parte Kupang Atambua Indonesia nian, bainhira eis Prezidenti Republika Taur Matan Ruak ho ekipa fila husi Região Administrativa Espesiál Oe-cusse Ambenu (RAEOA).
Jornalista : Guilhermino Ramos