Asina Akordu Ho HWPL, MESCC Sei Tau Peace Education Iha Kurríkulu

SAPNewsTL, Dìli – Hasa’e kualidade edukasaun hodi promove paz, Ministériu Ensinu Superior Siénsia no Kultura (MESCC sigla Portugués), nia Diretóra Jeral Ensinu Superior asina nota entendimentu ho Organizasaun Internasionál Heavenly Culture, World Peace Restoration off Light (HWPL sigla Inglés).

Ministru Ensinu Superior, Siénsia no Kultura José Honório da C. P. Jeronimo hateten, Objetivu husi nota memorandu ida ne’e hanesan entendemetu ida ho HWPL ho diretór jerál ensinu superiór, nune’e mós entre universidade sira atu ko’alia kona-ba promove edukasaun paz iha Timor-Leste, ba futuru Ministériu sei hatama asuntu edukasaun paz iha kurikulum

“Organizasaun Internasionál Heavenly Culture World Peace Restoration off Light estabelese akordu importante ida ho (MESCC) hanesan entendemetu ida ho HWPL ho Diretóra Jeral Ensinu Superior. Nune’e mós entre universidade sira atu ko’alia kona-ba páz, ita hotu hatene katak Timor-Leste iha konflitu ne’ebe naruk, tanba ne’e páz importante tebes,” Dehan Ministru Ensinu Superior Siénsia e Kultuta MESCC José Honório da C.P. Jeronimo liu husi nia diskursu iha, Salaun MESCC Kolmera, (16/07/2024)

Ministru José Honório akresenta, atu promove edukasaun paz iha Timor-Leste maka HWPL hahú husi edukasaun, iha nível superiór no importante tebes iha estabelesementu ida-ne’e tamba bele eduka joven sira oinsá bele kria paz iha komunidade, sosiedade, no nasaun hodi dezenvolve Timor, Tenik nia.

“Ministeriu Ensinu Superior MESCC asina akordu entre HWPL husi Korea, ne’ebe ko’alia liu kona-ba peace education, tanba iha Corea daudaun ne’e iha konflitu ne’ebe naruk, no HWPL ne’ebe ko’alia kona-ba páz kuaze nasaun atus ida hitu-nulu (170) mak hola parte iha laran, inklui mos ita nia nasaun hola parte mos iha laran, oinsa mak ita bele prontu kopera ho HWPL”.

Nia hatutan, Ministériu Ensinu Superior, Siénsia no Kultura, prontu koopera no responsabiliza hamutuk ho HWPL ne’ebe mai husi Corea no diskusaun ne’ebe kle’an liu-liu promosaun edukasaun paz iha ensinu superior, Nia Salienta.

“MESCC iha responsabilidade ho HWPL ne’ebe mai husi Corea, nune’e iha estabelese akordu ida ohin nian iha diskusaun ne’ebe kle’an ba futuru tau mos peace education ne’e iha kurikulum hodi hanorin ba Ensino superior sira hodi kapasita joventude sira kona-ba asuntu paz no kria páz iha edukasaun Timor Leste no paz ne’e sai hanesan atividade ida ne’ebe fó benefisiu ba ema barak”.

Universidade hirak ne’ebe asina akordu ho HWPL mak hanesan Universidade Catolica Timorense (UCT), UNITAL, Institutu Superior Cristál (ISC), Institutu Politékniku de Betanu (IPB) no seluk tan.

Entretantu, estabelesementu akordu entre Heavenly Culture World Peace Restoration of Light ho Ministériu Ensinu Superior Siénsia no Kultura ho durasaun ba tinan ida hodi promove edukasaun paz iha Timor-Leste.

Jornalista : Dircia Baptista Belo