Asuntu ICC-TL Manas ! Pe. Mouzinho Fo Atensaun 2 & La’os Sira De’it
Imajem : Padre Mouzinho Pereira Lopes
SAPNewsTL, Dili : Relasiona ho ezisténsia Igreza Katólika Karismátika Timor-Leste (ICC-TL) ne’ebé sai konsumu públiku, Padre Mouzinho Pereira Lopes fo alarma rua ba públiku katak liberdade media sosial sai demaziadu no Povo maioria ho religiosidade hetan ataca maka’as lafaek sira.
𝐊𝐨𝐦𝐢𝐤 𝐡𝐨 𝐠𝐫𝐮𝐩𝐨 𝐤𝐚𝐭𝐮𝐚𝐬 𝐛𝐚𝐬𝐢𝐧 𝐬𝐢𝐫𝐚 𝐢𝐡𝐚 𝐠𝐫𝐮𝐩𝐨 𝐜𝐚𝐭𝐨́𝐥𝐢𝐜𝐨 𝐜𝐚𝐫𝐢𝐬𝐦𝐚́𝐭𝐢𝐜𝐨 𝐈𝐂𝐂𝐓𝐋? 𝐋𝐨𝐤𝐞 𝐧𝐞𝐨𝐧, 𝐭𝐚𝐦𝐛𝐚 𝐥𝐚’𝐨𝐬 𝐬𝐢𝐫𝐚 𝐝𝐞’𝐢𝐭.
𝐇𝐢𝐬𝐭𝐨́𝐫𝐢𝐚 𝐧𝐢𝐚 𝐡𝐚𝐧𝐨𝐫𝐢𝐧
História hanorin ita katak buat nune’e la’os foun. Ne’e naran fenómena, tamba ohin oin ida, aban oin seluk. Katuas sira ne’e ema sarani “inocente” no uluk sarani di’ak iha ita nia paróquia, iha catedral. Sira la bulak ida, maibé mukit iha matéria, matenek no mentalidade.
Assim que haré sira nia condição mukit ne’e, ho tan insatisfaz (la puas) ba administração ka hahalok balu hosi Igreja, Grupo organizado anti Igreja nian tama kedas, usa sira hodi hasobu família sira, hamonu sarani sira no harahun Kreda nia credibilidade.
Kreda católica desde tempo Jesus, hasoru kedas ona ondas sira model nune’e, nebé sira nia abut iha grupo anti Igreja, anti Jesus Kristu. Nune’e ita hetan katak kbiit demónio nian la’o parlente iha ita leet.
𝐀𝐥𝐚𝐫𝐦𝐚 𝐦𝐚𝐢
Se sarani sira matenek, temque desconfia no fo alarma ba estado konaba fenómeno negativo sira nune’e. Ha’u hanoin iha questão boot rua nu’udar alarma ita hakarak ko’alia sai maibé ita povo nia lian emboot sira la rona. Diabo intervem, loke-taka tiha ona sira neon conforme mood.
𝑨𝒍𝒂𝒓𝒎𝒂 𝒊𝒅𝒂:
Liberdade medsos demasiado. Tan sa mak ita nia medsos (fb, youtube, instagram, nst.) sai demasiado ho status hanesan tolok, pornografia no hahalok anti etica moral? Caso hanesan ICCTL ne’e buat ki’ik, ema hira oan de’it, maibé sai tiha boot tamba papel medsos irresponsavel, nebé ukun-na’in sira falha controla hodi hadi’ak em nome de ‘santa diabólica’ liberdade da imprensa.
𝑨𝒍𝒂𝒓𝒎𝒂 𝒓𝒖𝒂:
Povo maioria ho religiosidade (fiar-na’in) no cultura rasik Timor nian, hetan ataca maka’as lafaek sira. Sira ne’e grupo hacker, broker, mafioso, premanisme, nebé dala wa’in mosu iha ita oin nu’udar ema di’ak; padahal asu-fuik usa bibi fulun, nebé ataca Igreja no lisan Timor intencionalmente.
Sira ne’e aproveita democracia, liberdade, Direito humano… organizado tamba iha osan (bele sustentado hosi individu ka partido no liuliu hosi li’ur hanesan União Europeia, ONU nia sanak sira, no NGO balu).
Ita haré de’it exemplo boot hanesan grupo LGBTQ, Selingkuh naba-naban iha ministérios governo nian no NGO sira, Oho bebé ka aborto, nst. História sei conta mai ita katak hirak ne’e ita sei haré hanesan roda, cada tinan mosu ida, nune’e ba oin. Ne’e mak fenómena.
𝑯𝒖𝒎𝒐𝒓 𝑬𝒎𝒂-𝒌𝒊’𝒊𝒌 𝒗𝒔 𝑼𝒌𝒖𝒏-𝒏𝒂’𝒊𝒏
Konaba ICCTL, espalha iha medsos ha’u haré feedback ka content status sira expressa ho komik, halo hamnasa. Sim, tamba hirak ne’e expressão hosi ema kbiit-laek hasoru domínio nacional (governo) no internacional nebé iha poder ukun ho osan.
Como ema ki’ik labele buat ida, maka buat di’ak liu mak “hamnasa de’it ona”, sem hanoin naruk konaba abut problema no efect nebé boot ba sociedade Timor.. No ukun-na’in sira barak tur hemu serveja contempla mak osan tama bolso.
Biar nune’e ita hatene katak poder ka dominio emboot sira sei acaba loron ruma. Fenómena sira be mosu, sei lakon hanesan du’ut maran. Hasoru buat hirak nune’e, cada sarani precisa hatene ona atu tau-an, hala’o ninia fé nebé santa Kreda hanorin, sai moris ho qualidade di’ak liu iha Jesus Kristu.
𝑵𝒐𝒕𝒂:
Ha’u hanoin ita nia Bispo sira ija CET (Conferencia Episcopal Timorense) hakerek daudaun carta pastoral kona-ba ne’e ba povo saranibTimor, inclui ba PN no Ministério Justiça. Espera bele fo-sai iha tempo Páscoa ka Pentacosta ka oportunidade di’ak iha loron sira be mai.
Boa Quaresma.
Macau-China, 04/04/2025.
Jornalista : Ermelinda Soares
