Atende Urjente Vítima Dezastre, APC Treina Komandante Munisipiu Sira

SAPNewsTL, Dili: Autoridade Protesaun Sivil fo treinamentu ba Komandante Munisipiu sira hodi hare’e liu ba iha Dezastre Natural (DN) ne’ebe akontese iha kada munsisipiu  atu nune’e bele atende emerjensia ba vitima sira iha Territoiu Nasional

“Atividade ohin loron, ita enkontru ho estrutura komandu nasional  sira hotu  no  ba komandante munisipiu sira ne’ebe sira mai aprezenta kondisaun real, rekursu saida mak sira kada munisipiu ida-idak hasoru iha situasaun dezastre natural akontese iha munisipiu, ohin ita fo treinamentu ba komandante munisipiu sira atu nune’e bele atende emerjensia vitima dezastre natural sira iha munisipiu sira”, dehan Prezidente  APC Ismael Babo   ba jornalista sira iha nia knaar  Caicoli, Dili  segunda ( 27/ 02/ 2023).

Prezidente hatutan, preparasaun dezastre natural ne’ebe mak akontese iha  rai laran rasik  bainhira APC  hetan sira tulun lalais ema ne’ebe vitima sira hodi halo reasaun, salva sira nia vida maski  ekipametu sira APC minimu  hodi halo reasaun ba asidente grave sira,  meteorolojia katak iha fulan abril sei iha epilipso solar ne’e mak sira bolu komandante sira atu halo preparasaun ho komunidade sira para labele hakfodak epilipso solar  mosu ne’e.

Nia informa,  maski ekipamentu  menus maibe sira garantia nafatin  hodi ajuda ba  sidadaun sira ne’ebe hetan asidente trafiku iha dezastre ruma, sira sempre  preparadu hodi ajuda vitima sira hodi salva vitima sira nia vida, tan ne’e husu ba sidadaun sira   liuliu  sira ne’ebé halo viajen ba iha Illa Atauro no Oecusse no operador hodi roo sira mos tenki akompaña ho meteorolojia  bainhira hetan situasaun extrimu kansela viajen tanba fenomenu  kompleksu

Ismael afirma, sira husu mos peskador sira  ho situasaun fenomenu hanesan ne’e suspende atividade iha tasi laran no mos ba sidadaun sira ne’ebe halo viajem husi Dili ba munisipio ida-idak  tanba agora ne’e  rai komesa monu no halai udan komesa ho velosidade makaas,  mota komesa boot no aii tohar barak liuliu,  ba motorista sira ne’ebe halo viajem ba mai no tula sidadaun sira halo viajem karik  labele halai iha kalan tanba situsaun fenomeno ne’e sa’e makaas, hare’e situasaun fenomenu ne’e normal mak bele halo fali viajen.

 Jornalista : Antonio Tilman