Atende Vítima Dezastre Ho Efetivu, MI Entrega Kareta Unidade 21 ba APC
Imajem kareta ho marka New Hi-lux duble cabin manual 24L hamutuk unidade 21 ho forkip ida, ne’ebe distribui ba Autoridade Protesaun Sivil
SAPNewsTL, Dili : Ministru Interior(MI) liu husi Diresaun Nasional Lojistika Jestaun Patriomiu entrega kareta ho marka New Hi-lux duble cabin manual 24L hamutuk unidade 21 ho forkip ida entrega ba Autoridade Protesaun Sivil (APC sigla portuges) atu fasilita servisu operasional ba vitima dezastre natural iha Timor-Leste.
“Tuir dokumentu ne’ebé ita asesu iha lojistika nasional MI kareta Hi- Lux manual unidade 21 sosa ho osan OJE 2022 kada kareta ida nia folin 38.000.000 USD, no forkip ida folin 31.000 USD fornese husi kompania auto Timor Lda entrega ba lojistika nasional finaliza ona inspektaun kondisaun diak, entrega ba Autoridade Protesaun Sivil hodi halo servisu operasional atende ba vitima dezastre natural sira iha Timor-Leste”, dehan Diretor Lojistika Nasional MI Fernando da Silva Cardoso ba jornalista sira iha edifísiu APC Caicoli (27/02/ 2023).
Diretór hatutan, Kareta unidade 21 ho forklip ida ne’e kompania Auto Timor Lda mak hatama, tanba sira mak manan tender iha tinan 2022 nian, kareta hirak ne’e sosa ho osan OJE 2022, tuir Planu autoridade Protesaun Sivil nian, kareta sira ne’e sei distribui ba munisipiu no destaka iha nasional hodi atende ba vítima dezastre naturais bainhira akontese iha TL.
Nia informa, Alende kareta ba APC iha mos kareta bombeiru hamutuk unidade 17 sosa iha tinan 2022, maibe sei prosesu nia laran, iha Indonésia lá kleur tan sei entrega ba bombeiru atu uza halo servisu, tipu kareta 17 ne’e espesial ba Bombeiru duni atu kombate insendiu rega ahi bainhira akontese ekipa bele uza halo servisu maibe sei iha prosesu konstrusaun nia laran iha indonésia tempu badak sira sei entrega ba APC hodi apoiu ba bombeiru halo servisu.
Iha fatin hanesn, Presidente Autoridade Protesaun Sivil (APS) superintendente Polísia Ismail da Costa Babo hatete, Kareta unidade 21 ho forkip ida ne’e Ministru Interior mak halo prosesu tenderizasaun sosa hodi entrega ba Autoridade Protesaun Sivil hodi fasilita servisu operasional.
“Kareta hirak ne’e ministru Interior mak halo prosesu entrega ba ami hodi distribui ba komandu nunisipiu 13 inklui RAEOA ho diresaun sira iha nasional apoiu servisu operasional ba dezastre iha Timor-Leste,” dehan Ismael
Ismael akresenta, kareta marka Hi-Lux manual unidade 21 fornese husi kompania Auto Timor Lda sosa ne’ebe MI sosa ho osan OJE 2022 kada kareta ida ho folin 38.000.000 USD no forkip ida ho folin 31.000.000 USD hodi Apoiu servisu operasional APC iha Timor-Leste.
Jornalista: Antonio Tilman