Autoriedade Postu Luro Halo Kontribuisaun, Selebra 20 Maiu Ho Amizade
Imajem : Administrador Postu Luro, Gaspar Xavier iha Luro, 20/05/2024. Foto : Denilia Soares
SAPNewsTL, Lautem: Komunidade Postu Administrativu Luro, Munisipiu Lautem selebra loron restaurasaun independensia 20 de Maiu ba dala ruanulu resin rua (22), Administrador Postu Luro Gaspar Xavier fo parabens ba Povu Timor Leste.
Tuir Administrador Postu Administrador Postu Administrativu Luro Gaspar Xavier katak loron restaurasaun independensia nu’udar loron importante tanba povu Timor Leste tanba ne’e nia parabeniza ba povu hotu-hotu ne’ebe ohin selebra loron importante ida ne’e.
“Ha’u nia parabens ba povu Timor Leste tomak tanba ohin ita bele selebra loron restaurasaun independensia ne’e, loron 20 de Maio ne’e loron importante ba povu Timor-leste iha ne’ebe nu’udar loron Restaurasaun Indepedensia ne’ebe ita komemora ba dala XXII iha tinan ida ne’e, ha’u nia hakruk ba herois funu nain sira ne’ebe uluk luta, dedika an, sakrifika nia an ba luta libertasaun patria hodi ohin ita bele hetan liberdade”.
Administrador Postu dministrativu Luro Gaspar Xavier saran lia hirak ne’e liu husi entrevista hafoin remata serimonia ichar Bandeira iha Administrasaun Postu Luro, 20 de Maiu 2024.
Administrador Postu Luro ne’e hatutan tuir lolos selebrasaun restaurasaun independensia ne’e hala’o de’it iha Munisipiu maibe tanba iha aktividade balun ne’ebe la konsege realiza iha ambitu 20 de Maiu, nune’e Prezidente Autoridade Munisipiu Lautem informa ba Administrador Postu sira atu hala’o fali iha ida-idak nia Postu.
“Antes ne’e kria ona komisaun iha Munisipiu Lautem atu serimonia restaurasaun independensia tinan 2024 nian, ne’e atu realiza iha nivel Munisipiu maibe tanba aktividade balun ne’ebe iha mudansa, Prezidente Munisipiu Lautem informa ba Administrador Postu sira atu bele hala’o serimonia ichar bandeira iha ida-idak nia Postu, nune’e Postu Luro hetan orsamentu husi Munisipiu hamutuk dolar atus neen lima nulu (650,00) inklui Postu sira seluk iha Lautem hodi bele realiza serimonia ne’e”. APA Luro informa
Imajem : Xefe Suku Kotamuto Antonio Sarmento Soares
Iha fatin hanesan, Xefe Komisaun Organizadora ba komemorasaun Restaurasun Indepedensia 20 de Maio ba dala XXII iha Postu Luro Antonio Saramento Soares informa sira halo preparasaun ba serimonia Restaurasaun Indepedensia ne’e durante semana ida ho alokasaun orsamentu hamutuk atus neen lima nulu.
“Preparasaun ba komemorasaun 20 de Maio ida ne’e hahu husi dia 14 to’o mai dia 19 ho orsamentu ne’ebe aloka husi Munisipiu hamutuk dolar atus neen lima nulu (650),maske orsamentu oituan maibe tanba hetan kontribuisaun mos husi kompania sira no funsionariu sira iha Postu Luro, nune’e tau hamutuk hodi bele realiza serimonia ida ne’e”. Tuir Xefe Komisaun
Atual Xefe Suku Cotamutu ne’e husu ba foinsa’e sira hodi kontinua hakat ba oin ho koragem, dedikasaun no hakaas an sai foinsa’e ne’ebe maduru, matenek no susesu iha futuru.
“Husu ba foinsa’e sira, atu kontinua hakat ba oin ho koragem, hatudu dedikasaun no hakaas an iha mundu edukasaun hodi sai foinsa’e ne’ebe matenek no susesu iha futuru”. Nia husu
Entretantu, serimonia ichar Bandeira ba restaurasaun independensia ne’e partisipa husi Veteranus no Familia Martires,Funsionariu sira iha Postu Luro, Komandante PNTL Postu Luro, Estudante sira hamutuk ho inan aman no juventude sira iha Postu Luro.
Jormalista: Denilia Soares & Leonel Alves