Aviaun Monu, Ema Na’in 179 Mate & 2 Kanek ! Papa Francisco Sente Triste
Imajem : Aviaun Jeju Air Co ne’ebe monu iha Korea-Sul, 29/12/2024. Foto : Media South Corea
SAPNewsTL, Vatikanu : Relasiona ho aviaun ne’ebé hetan dezastre iha Korea Sul hodi rezulta pasajeirus hamutuk 177 lakon vida, 2 lakon no 2 kanek. Papa Francisco hato’o sentidu tristeza ba vítima no família vítima sira ne’ebé sofre asidente dramátiku ho aviaun.
Aviaun ho marka AIRBUS A330-300, Jeju Air Co ne’e sofre asidente maiz ou menuz tuku sia iha loron Domingu, 29 Dezembru 2024, hafoin fila hosi Tailandia atu halo aterrajem iha Aeroportu Internasional Muan iha provínsia South Jeolla, pelu menus 288 kilómetru dook hosi Seul.
Asidente ne’e rezulta ema na’in 177 mate, tripulante na’in rua hetan salva, no ema na’in rua lakon. Ema hotu ne’ebé iha aviaun laran maioria ema Koreia-Súl inklui sidadaun Tailándia na’in-rua.
Imajem : Santu Padre Papa Francisco
Hafoin asidente ne’e akontese, Amu Papa Francisco dirije mensajem ba vítima sira no sira nia família sira ho laran triste tanba pasajeiru hamutuk 177 lakon vida, rua lakon no rua deit mak moris.
“Ha’u nia hanoin ba família barak iha Koreia-Súl ne’ebé maka ohin triste hela, hafoin asidente aviaun ne’ebé maka sofre asidente dramátiku. Ha’u nia orasaun ida ba sobrevivente sira no matebian sira.” Tenik Santu Padre Papa Francisco iha Vatikanu, 30/12/2024. SAPNews Screenshot
To’o agora seidauk hatene lolos kauza hosi aviaun monu no ahi han iha Korea-Sul, tuir informasaun ne’ebé SAPNews asesu katak investigasaun ba kazu ne’e sei presiza lori tempu naruk no konsidera dezastre ne’e nu’udar dezastre ne’ebé aat liu iha Korea Sul.
Jornalista : Dircia Baptista Belo
