Aviaun Tula Ema 242 Monu, Rezulta Ema Hamutuk 204 Hakotu Iis
Imajem : Hafoin Air 171, Ekipa Bombeiros hamate ahi iha Índia. Foto : Reuters
SAPNewsTL : Tuir informasaun ne’ebe SAPNews asesu liu hosi the national news. Com haktuir katak aviaun Air India 171 monu iha Ahmedabad, iha Gujarat, Índia, 12 junhu 2025. Aviaun refere tula ema hamutuk na’in 242.
Marciana Da Conceição Jurnalis – Reuters & The National
Aviaun ne’ebe monu tula ema hamutuk na’in 242 ne’e atu ba Aeroportu Gatwick, iha Londres, monu lakleur hafoin semo.
Tuir kontrolu tráfiku aéreu iha aeroportu iha Ahmedabad, aviaun ne’e semo iha tuku 1.39 lokraik (12.09 lokraik Emiradus Árabes Unidus) hosi pista 23. Nia fó xamada hodi fó sinál ba emerjénsia maibé laiha resposta.
Xefe Analista hosi Strategic Aero Research, Saj Ahmad, hatete “prematuru liu atu halo espekulasaun” kona-ba razaun hosi asidente Air India nian.
“Boa vontade sei la lakon tanba asidente ida-ne’e.tanba kompañia aéreu sira no kliente sira sei buka resposta sira kona-ba tansá ida-ne’e akontese iha fatin dahuluk no saida maka bele halo atu prevene.” Hateten Xefe Analista hosi Strategic Aero Research, Saj Ahmad, Índia, 12/06/2025
Asidente ne’e resulta provisóriu rejista ema hamutuk na’in 204 maka mate.
Tuir dadus, Ajénsia Reuters sita katak pasajeiru hirak ne’ebe sai vítima mak hanesan adultu na’in 217, labarik na’in 11 no kosok-oan na’in rua.
Entre sira, ema na’in 169 maka sidadaun indianu, na’in 53 maka britániku, na’in hitu maka portugés, no na’in ida maka kanadianu.