Chuck Norris Hakotu Nia Jornada Moris ! Família Lakon Aman Ne’ebe Fiel & Bondade

Imajem : Chuck Norris. Foto : Fox News

Sapnews Pro : Família Chuck Norris fo sai deklarasaun ida liu hosi Instagram (@chucknorris) iha sexta-feira madrugada, katak autor no artista arte marsial ikóniku Chuck Norris mate ho idade 86 iha loron Quinta dadeer (19/03/2026)

“Iha moris susar loos, família fó sai ho laran triste katak Chuck Norris hakotu ona iis husi mundu ne’e iha loron kinta-feira dadeer. Nia hamutuk ho família no mate ho dame,”

“Ba mundu tomak, nia mak artista marsial, autor no símbolu forsa. Maibé ba ami, nia mak kaben ne’ebé fiel, aman no avo ne’ebé hadomi, maun-alin ne’ebé di’ak, no sentru husi ami-nia família. Nia moris ho fé, objetivu no kompromisu maka’as ba ema sira ne’ebé nia hadomi. Liuhusi nia servisu, disiplina no bondade, nia inspira ema milhaun ba millaun iha mundu tomak no husik impaktu boot ida ba ema barak.”Sita iha deklarasaun ne’e. Sexta-feira, 20/03/2026. Segundu Fox News. @chucknorris

Iha deklarasaun ne’e hatutan: “Maski ami-nia laran nakonu ho triste, ami agradese tebes ba moris ne’ebé nia hetan no momentu inesquecível sira ne’ebé ami simu. Domin no apoiu husi fans iha mundu tomak importante tebes ba nia, no ami-nia família agradese loos ba ida ne’e”.

“Ba nia, imi la’ós deit fans, maibé belun ba nia. Ami hatene barak imi rona kona-ba nia tratamentu iha ospital, ami agradese ba orasaun no apoiu sira. Bainhira ami laran moras hela, ami husu atu respeita ami-nia privasidade. Obrigadu barak ba imi hotu tanba hadomi nia no hamutuk ho ami.”

Chuck Norris moris iha Ryan, Oklahoma, iha loron 10 Marsu 1940. Nia kresce iha situasaun kiak. Iha idade 12 tinan, nia muda ba Torrance, Califórnia, no tama ba Força Aérea Estadus Unidus iha tinan 1958. Iha tempu nia servisu iha Koreia, nia hahú aprende arte marsial hanesan judo no Tang Soo Do.

“Nia hatete katak nia sempre tímidu no introvertidu no la’ós atleta,” tuir entrevista ida iha The 700 Club. “Ema barak difísil atu fiar ida ne’e, tanba la iha aman iha uma no nia tímidu. Ha’u la partisipa barak iha esportu (Judo, Yang Soo Do & Karate). Maibé bainhira ha’u ba Koreia, ha’u aprende arte marcial no hakanek loos ba ida ne’e.”

Hafoin nia sai husi servisu militar iha tinan 1962, nia loke estúdiu arte marsial ida ne’ebé sai rede ho kliente sira hanesan Steve McQueen, Priscilla Presley no Bob Barker. Steve McQueen mak ajuda nia atu tama iha mundu atuasaun.

Nia aparese dala uluk iha filme “The Wrecking Crew” iha tinan 1968. Iha tinan 1970, nia halo filme barak no mós kompete iha karate. Hafoin nia para iha tinan 1974, nia hanoin atu muda nia karreira, no Steve McQueen konsella nia atu foti karreira atuasaun.

Nia hatete ba Los Angeles Times iha tinan 1988 katak: “Ha’u tama iha filme bainhira ha’u iha idade 30. Ha’u la iha esperiénsia. Maibé tanba hanoin positivu, ha’u konsege susesu.”

Nia atua iha filme barak hanesan “Missing in Action”, “The Delta Force” no “Sidekicks”.

Iha tinan 1993, nia sai famozu liu tanba nia papel iha série televizaun “Walker, Texas Ranger”. Série ne’e lao tinan 9. Iha tinan 2010, governadór Rick Perry fó titul onra Texas Ranger ba nia.

Nia filme ikus mak “Agent Recon”.

Iha área filantropia, nia funda organizasaun Kickstart Kids iha tinan 1990, ho ajuda hosi prezidente George H. W. Bush. Program ne’e hanorin karate ba labarik sira iha Texas, no ajuda labarik liu 120,000.

Chuck Norris mós ko’alia klaru kona-ba nia fé Kristaun no apoiu polítika, inklui suporta Donald Trump iha eleisaun 2016.

Chuck Norris mate ho idade tinan 86 no husik hela nia feen, Gena O’Kelley, ho oan sira Mike, Eric, Dakota, Danilee no Dina.

Iha sorin seluk, Primeiru Ministru Israel Benjamin Netanyahu sente triste tanba lakon belun diak ida ne’ebe besik ho povu Israel.

“Ha’u senti triste tebes bainhira rona katak Chuck Norris mate ona, belun di’ak ida ba Israel no mós belun besik ida ba ami rasik”.

Benjamin Netanyahu hatutan, “Chuck lori arte marsial no manas husi nia karakter ba ema milhaun barak iha mundu tomak. Nune’e nia memória sai hanesan bensaun ida ba ema hotu”. Sita Página Benjamin Netanyahu, Israel, 21/03/2026