Dalan Ba Desentralizasaun ! SEDL Husu Xefe Suku Sira Servisu Hamutuk
SAPNewsTL,Dili : Relasiona ho aniversariu Programa Nasional Dezenvolvimentu Suku (PNDS) ba dala 10⁰, Sekretariu Estadu Desenvolvimentu Lokal (SEDL) Matues Tallo husu ba chefe suku sira atu sira servisu hamutuk liliu iha nivel munisipiu.
“Ohin kompartilla papel SEDL nia durante mandatu, ha’u la halo diskursu maibe atu introduz deit politika no programa sira ne’ebe sei halo iha tempu oin mai,iha servisu bo’ot lubuk ida ne’ebe ekipa prepara ona liga ho tema konferensia nasional PNDS nia liliu foku ba politika desentralizasaun”.Tenik SEDL Mateus Tallo ba jornalista sira iha CCD, 06/12/2023
Sekretariu Estadu ne’e hatutan, programa ne’ebe sei implementa iha nivel munisipiu no komunitariu apoiu planu desenvolvimentu munisipal no komunitáriu, efisiénsia no promasaun administrasaun lokal.
“Ita sei reve no aprova planu sira ba desenvolvimento munisipal tuir planu estrateziku desenvolvimentu no programa governu nia ne’ebe sai nu’udar referénsia no planu investimentu munisipal no osamentu munisipal sira.”
“Aprova no implementa politika nasional no desenvolvimento lokal tuir planu estrateziku desenvolvimento”.
“Reve enkuadramentu juridiku ba planeamentu desenvolvimentu integradu munisipal no reve enquadramentu juridiku ba programa nasional desenvolvimento suku”.dehan Mateus Tallo
SEDL ne’e afirma tinan oin sei halru teritoriu laran tomak liliu iha postu atu hare resultadu implementasaun projetu sira iha terenu hodi haree ninia kualidade
“Ita hatene PNDS agora tama iha kintu [5] alterasaun ba dekretu lei nia iha diskusaun lubuk ida iha ona meza konselhu ministru, tempu badak sei halo diskusaun iha politika no programa IX governu ne’e mak liu husi servisu diresaun nasional tolu, iha janeiru tinan oin sei hahu ho peskiza iha teritorio laran tomak”. Nia afirma
Enkuantu, partidipa iha seminariu ho tema dalan ba desentralizasaun ne’e partisipa husi Xefe Suku sira, entidade relevante sira inklui sira seluk.
Jornalista : Conzita Mota