Dalan Ba Empregu ! AROMD-TL Sertifika Formandu Lian Inglés Hamutuk 192
Imajem : Ezekutivu AROMD-TL hamutuk ho Kandidatu Traballador 209 no konvidadu sira iha salaun SACROJES Bekora,21/11/2024. Foto : Daniel da Silva
SAPNewsTL, Díli — Sentru Formasaun Assosiasaun Ramelau Oan Moris Domin Iha Timor-Leste (AROMD-TL), serbisu hamutuk ho Sekretáriu Estadu Formasaun Profesionàl no Empregu (SEFOPE) sertifika formandu lian Ingles, Korea no Japaun hamutuk 209 ne’ebe finaliza ona formasaun durante fulan tolu (3) iha sentru AROMD-TL.
Reprezentante Sekretáriu Estadu Formasaun Profesionàl no Empregu (SEFOPE) liu husi Diresaun Nasional Empregu no Estranjeiru (DNEE) João Correia Pereira hateten, serimonia distribuisaun sertifikadu ne’e, bazeia ba kandidatura traballador Australia, Corea no Japaun ne’ebe hasa’e kualidade lingua iha sentru AROMD-TL durante fulan tolu (3) nia laran.
“Atividade distribuisaun sertifikadu ba kandidatura traballador lian ingles, Korea no Japaun trabalhador lian ingles 192, Korea 10 no Japaun nain lima 5, total trabalhador 209”.Dehan Diretor Diresaun Nasional Empregu no Estranjeiru (DNEE) João Correia Pereira, liu husi nia diskursu iha salaun igreja Sagradu Coração de Jesus Becora, Quarta (20/11/2024)
Diretor (DNEE) João Correia Pereira argumenta,
liuhusi formasaun ne’ebé sentru formasaun AROMD-TL oferese ba formandu sira obrigatoriamente formandu sira sai hanesan kandidatura ba programa serbisu iha Australia, Coreia no Japaun, tenki aproveita oportunidade ho diak nune’e bele implementa bainhira pasa ona ba serbisu iha rai liur.
“Ha’u husu ba kandidatura sira tenke aproveita didi’ak oportunidade ida ne’e tanba liuhusi sentru formasaun ne’ebé durante fasilita ona hodi aumenta imi nia koñesimentu ba lian ingles, ho sertifikadu ne’e bele ba aprezenta iha SEFOPE Munisípiu nian, bele update koñesimentu lian ingles durante ne’e imi aprende, garante bele tama iha sistema hodi ba servisu iha Australia”, Tenik nia.
Diretor ne’e hatutan, sentru formasaun AROMD-TL oferese formasaun ho lian oin-oin nune’e fasil tebes ba estudante sira atu bele mai aprende hodi aumenta koñesimentu ne’ebé di’ak, nune’e iha oportunidade bele kompete ba servisu iha rai liur, Nia hakotu.
Imajem : Presidente AROMD-TL Luis Ximenes Soares
Enkuantu, Prezidente Assosiasaun Ramelau Oan Moris Domin Iha Timor-Leste (AROMD-TL), Luis Ximenes Soares afirma, objetivu distribui sertifikadu ba kandidatu sira ne’e foin daudaun tuir teste eskrita la pasa ho valor very por, por no sufisiente, nune’e AROMD fasilita formasaun hodi eleva kapasidade no koiñesementu kandidatura traballador nian.
“Ami fó formasaun ba sira durante fulan tolu nia laran ho lian ingles inklui lian sira seluk liu-liu ba kandidatu sira ne’ebe kompete atu ba serbisu iha nasaun Australia no Corea, entaun fasilitador sira guia sira durante fulan tolu (3) nia laran”.Nia informa
Entretantu, total formandu sira ne’ebe SEFOPE ho AROMD-TL sertifika kompostu husi lian ingles 192 korea 10 lian Corea nain 10 no Japaun nain lima (5) total trabalhador 209.
Jornalista: Dircia Baptista