Seguransa Dijital Importante, AJTL Transmite Formasaun Ba Jornalista Sira

SAPNewsTL, Dili: Asosisaun Jornalista Timor-Leste (AJTL) halo formasaun kona ba dijital seguransa tanba konsidera importante tebes ba jornalista sira iha Timor-Leste.

“Seguransa digital ne’e importante ba jornalista sira iha nasaun sudeste aziatiku sai hanesan amensa bo’ot ba ema hotu liu-liu ba jornalista investigativu sira, ita tenki tau atensaun ba sasan eletroniku sira hanesan USB, Laptop no telefone tanba luta ba liberdade espresaun sai ameansa tebes, iha Filipina Jornalista barak mate, tanba ema sira ne’ebé hakarak halakon evidensia sira ne’e tan ne’e tenki asegura ita nia sasan ne’ebé liga ho dijital”, dehan Prezidente AJTL Zevonia Vieira ba jornalista sira iha fatin formasaun Hudi Laran, Dili sesta (31/03/2023).

Prezidente hatutan, formasaun impotante tebes kolega sira, oinsa sira iha ona kapasidade kona-ba asegura a’an iha dijital, iha Malaysia, Filipina, Indonesia, Cambodia baihira tau nomor iha facebook mak ema hatene jornalista ka ativista direitu umanu ne’e imi hein de’it ona la kleur tan ema uza nomor hodi estraga ka amensa, jornalista barak lakon kada tinan tanba mos problema ba seguransa dijital, fiar katak durante loron rua formasaun ba jornalista sira bele iha kuñesimentu oinsa atu asegura sasan dijital sira hanesan facebook, whatsapp no aplikasun sira seluk, AJTL halo ba nia membru sira hodi hasa’e kunesementu ba mundu jornalismu ba apoiu direitu umanu ho komunikasaun sosial ne’e importante tebes atu asegura a’an iha era dijital.

Iha fatin hanesan, Prezidente Konsellu Imprensa (KI), Oteliu Ote apresia ba formasaun ne’ebe AJTL halo tanba bele eleva kuñesimentu jornalista sira nian diak liu tan ba futuru.

“Ha’u apresia ba formasaun ida ne’e, espesiál ba ita jornalista sira iha média ne’ebé de’it, tanba dalaruma iha redasaun balun ko’alia kona-ba formasaun sira elimina, agora ne’e la’ós ita prióritiza ita nia talentu ba jornalistiku, maibé ita mós tenke eleva ita nia kuñesimentu di’ak liu tan atu sai jornalista ida ne’ebé profisionál no intelektual, formasaun kona-ba seguransa dijital ne’e atu ajuda tan ita nia atividade jornalistika ne’e sai di’ak liu tan”.nia tenik

Prezidente KI ne’e akresenta tan, “seguransa dijital a’ós de’it asegura dadus, maibé asegura ema, jornalista ne’e sai figura ida ba públiku, hanesan artista ho jogadór sira, sira tenki koñese i nia an katak jornalista presiza asegura an to’o remata ha’u nia mandatu, sira tenke konsentra ba treinamentu ne’e tanba sira mak sai ajente dahuluk atu koñese depois fó hatene ba maluk sira oinsá mak ita asegura dadus sira”.nia hatete

Enkuant u, formasaun refere la’o durante loron, iha ne’ebe hetan partisipasaun maksimu husi representante kada media nasional sira iha Timor Leste

Reportajen: Juvinal Camoes