Durante Fulan 6 ! Guvernu Faan Fos Rai Ho Presu $12
SAPNewsTL, Dili – Relasiona ho folin fos ne’ebe sa’e iha merkadu nasional, iha ne’ebé halo Populasaun sira preokupa, IX Governu Konstitusional liuhosi Ministériu Komérisu Indústri (MCI) no Vise Ministru (MCI), Augusto Júnior Trindade afirma guvernu sei faan foos rai ho folin dollar Amerikanu 12 USD to’o Marsu 2024.
“Agora daudaun foos 2.000 tonelada mak faan ba komunidade, ne’e foos rai nune’e kontinua observa kondisaun real iha terrenu la’o oinsá, hanesan ema hotu hatene semana rua situasaun komesa la’o normal tanba Governu halo atuasaun iha fatin balun no nia progresu la’o diak tebes”. Tenik Vise Ministru Comérsiu Indústria Augusto Junior Trindade ba Jornalista sira hafoin sorumutu Konsellu Ministru iha Palasiu Governu, 11/10/2023.
Vise Ministru hatutan, subsidiu ba kompañia importadór sira ne’e Governu sei haree progresu intervensaun hosi 12 USD, Governu halo evaluasaun loron hirak tuir mai Governu foti desizaun.
Desizaun iha ona katak implementasaun sei haree hosi progresu ba foos rai ne’ebé oras ne’e sirkula iha komunidade leet. Tanba iha limitasaun hosi armajen rasik, ida ne’e mak esforsu Govervu halo hakbesik ba Munisípiu sira.
“Apoiu ida ne’e sei to’o Marsu 2024. Ne’e haree relatóriu klimatiku ne’ebé fó sai hosi WFP no UNDP kona-ba El-nino, entaun, ida ne’e fó atensaun ba Govermu bele asegura to’o Marsu 2024, maibé prosesu ne’e sei halo evaluasaun ida, agora Governu iha hela terrenu,” Nia informa
Governu liuhosi Sentru Lojistika Nasionál (CLN) faan foos rai ho folin 12 USD, ne’e loja sira komesa hatún folin foos ona, signifika komunidade iha foho bele seguru ho apoiu hosi Governu nian.
“Ita ho 12 mil Trizentus tonelada agora foos mak la’o ne’e fos rai ita nianl, ita hare para iha terenu ne’e la’o hanusa loron rua ne’e ita hare situasaun la’o normal governu halo hela atuasaun iha fatin balun”. Nia hatete
Enkuantu, Prosesu faan foos ba komunidade la’o di’ak, agora daudaun sei hahú hosi Vikeke no Ermera, Suku Railako, Aldeia Lihu, hafoin sei kontinua ba Munisípiu sira seluk.
Tuir Observasaun Jornalista SAPNewsTL nota katak fos ne’ebe importadu nia folin kontinua sa’e iha merkadu nasional maske Guvernu deside sei subsídia Kompanha importadu ho valor osan Milliaun 4 USD
Jornalista: Ermelinda Soares