Estabelese Embaixada ! Índia & TL Hametin Relasaun Bilateral
Imajem : Prezidente Repúblika, José Ramos-Horta simu Prezidente Repúblika índia Smt. Droupadi Murmu, iha palásiu Prezidensial Aitarak-Laran, 10/08/2024. Foto : Media PR
SAPNewsTL, Dili – Prezidente Repúblika, José Ramos-Horta simu Prezidente Repúblika índia Smt. Droupadi Murmu, Xefe Estadu Ramos Horta haktuir vizita ne’e hodi hametin liután relasaun entre Índia no Timor-Leste iha asuntu agrikultura, edukasaun, saúde, medikal no dizitalizasaun.
Vizita ofisial dahuluk hosi Xefe Estadu índia mai Timor-Leste ne’e hodi hametin liu tan relasaun bilateral entre nasaun rua ne’e iha prezente no futuru.
Iha okaziaun importante ne’e, Prezidente Ramos-Horta konfere ba Prezidente Índia, Murmu Grande Kolár Orden Timor-Leste nian ne’ebe nu’udar onra aas liu iha Timor-Leste.
Hafoin sorumutu, Prezidente Repúblika José Ramos Horta haktuir vizita ne’e hodi hametin liután relasaun entre Índia no Timor-Leste iha asuntu agrikultura, edukasaun, saúde, medikal no dizitalizasaun.
“Tempu diak tebes, ohin Prezidente Repúblika halo vizita dahuluk iha Timor-Leste, vizita ida ne’e sei loke embaixada iha Dili no India, ita sei hametin liután relasaun entre rai rua iha kooperasaun agrikultura, edukasaun, saúde, medikal, dizitalizasaun”. Hateten Prezidente Repúblika José Ramos Horta iha palásiu Prezidensial Aitarak-Laran, 10/08/2024
Prezidente Repúblika José Ramos Horta mós fó agradese ba Prezidente Repúblika India ne’ebe halo vizita ofisial mai Timor-Leste.
“Ha’u fo agradese dala ida tan, ita bele mai vizita ami iha Timor-Leste, onradu tebes ba ita nia vizita ba Prezidente india”. Ramos Horta sublinha
Prezidente Repúblika, José Ramos-Horta simu Prezidente Repúblika índia Smt. Droupadi Murmu
Iha fatin hanesan, Prezidente Repúblika índia Smt. Droupadi Murmu sente kontente halo vizita ofisiál, Timor-Leste no Índia iha komitmentu kona ba demokrasia no pluralismu
“Ha’u kontente bele mai vizita Timor-Leste, ida ne’e nu’udar vizita dahuluk, India no Timor-Leste iha komitmentu ba demokrasia no pluralizmu, ha’u fiar katak bele hametin relasaun entre nasaun rua”. Prezidente Repúblika índia Smt. Droupadi Murmu hateten
Xefe Estadu Índia ne’e hatutan, enkontru ne’ebe halo ho Prezidente Repúblika ne’e diskute relasaun bilateral entre Timor-Leste.
“Durante diskusaun ho Prezidente Repúblika Ramos Horta, ami diskute relasaun bilateral entre Timor-Leste no India kona ba kooperasaun iha Informátika, Teknolojia, Dizitalizasaun, farmasia, agrikultura, kapapasitasaun rekursu humanu (Capacity Building) no seluk tan”. Xefe Estadu fundamenta
Presidente Repúblika Índia akresenta asina akordu tolu mak Izensaun Obrigasaun Vistu bá Passaporte Titulares Diplomátiku no Ofisial, Programa Interkâmbiu Kulturál entre Governu Repúblika Demokrátika Timor-Leste ho Governu Repúblika Índia no Kooperasaun no Kolaborasaun kona-bá Radiodifuzaun entre Rádiu no Televizaun Timor-Leste (RTTL) ho Prasar Bharati, Índia (Broadcasting Corporation of India).
Prezidente Murmu reafirma apoiu maka’as Índia nian ba Timor-Leste nia adezaun ba ASEAN iha tinan 2025 no kongratula nasaun ba nia aseitasaun foin lalais ne’e iha Organizasaun Mundiál Komérsiu nian.
Líder rua ne’e subliña importánsia hosi diálogu no adezaun ba lei internasionál hodi haburas dame rejionál no globál. Prezidente Ramos-Horta, hatudu Timor-Leste nia apoiu ba kandidatura Índia nian ba adezaun permanente iha Konsellu Seguransa ONU nian.
Enkontru istóriku ida-ne’e hein atu sai hanesan pasu importante ida ba parseria ida ne’ebé metin liután entre Timor-Leste no Índia iha tinan hirak tuirmai.
Jornalista : Conzita Mota