Fallansu Ne’e Normal ! Rogério : “Laiha Sistema Familiarismu”.

Imajem : SEFOPE Rogério Araújo Mendonça iha Senai Bekora, 28/05/2025

SAP News TL, Díli : Relasiona ho kandidatu traballador ne’ebe hetan valor very poor maibe liu teste vaga ba uluk Austrália, Secretário Estado Formação Profissional e Emprego (SEFOPE) Rogério Araújo Mendonça deklara iha sistema rekrutamentu laiha famíliarismu, nepotismu & partidarizmu.

Dircia Baptista Belo & Daniel da Silva – SAPNews

“Kandidatu ida husi Munisipiu Viqueque antes ne’e nia valor Very Poor maibe parte Sekretariu Estadu Formasaun Profesional Empregu loke oportunidade ba kandidatu 55.000 ne’ebe mak partisipa iha teste online hodi halo reklamasaun”.

“Husi reklamasaun ne’e, SEFOPE simu total 187 mak halo reklamasaun ba vaga, iha 52 mak ita konsidera husi kandidatu feto ida ne’ebe mak iha ona Australia ho valor very poor reklama fali valor 58,bbele mudansa duni ba servisu iha Australia”. Hateten SEFOPE Rogério Araújo Mendonça hafoin asina MoU ho Dili Development Company iha Senai Bekora, 28/05/2025

Rogério akresenta, husi reklamante 187, “Ita konsidera mak 52, entaun ida ne’ebe mak ba ne’e nia direitu bele prense vaga ne’e, antes ne’e nia valor ki’ik tanba faillansu tekniku, bainhira hatama ba sistema numeru ne’ebe mak boot, iha balun ita bele hateten human error, husi ida ne’e mak ita loke oportunidade ba ita-nia kandidatu sira halo reklamasaun, kuriji fila fali materia ne’e mak hetan valor 58”.

Governante ne’e deklara sistema rekrutamentu iha SEFOPE ne’e nakloke, laiha sistema família, nepotismu no partidarismu.

“Laiha hanoin ida familiarizmu, nepotizmu no partidarizmu iha sistema rekrutamentu ne’e, prosesu ne’e transparensia, mosu fallansu ki’ik oan ne’ebé mak iha públiku haree ne’e normal”.Nia sublinha

Enkuantu, traballador ne’ebe antes ne’e hetan valor kiik, liu ona selesaun no asina akordu ho SEFOPE, oras ne’e servisu ona iha Austrália.