Feto Potensial ! Joana Agradese Sai Konseleira Ba SAPNewsTL

SAPNewsTL, Dili : Joana Miranda Pereira agradese ba maromak tanba bele simu responsabilidade ida hodi sai konseleira ba Mídia SAPNewsTL ne’ebe idétiku ho joven akadémiku sira.

SAPNewsTL : Sentimentu saida sai konseleira ba Mídia SAPNewsTL ?

Joana Pereira : Ha’u agradese ba Aman Maromak tanba bele hetan oportunidade mai husi mídia akadémika ne’ebe mak hili ha’u sai konseleira, tebes, ha’u simu tanba mídia ne’e mai husi joventude deit, iha ne’ebe mak mai ho pensamentu no hahalok inovativu tanba joven mak futuru nasaun ne’e nian.

Ha’u rasik kontente tebes simu kargu ne’e mesmu ke ha’u hala’o ona ha’u nia knaar iha fatin seluk maibe la taka dalan ba ha’u atu bele hola parte iha dezenvolvimentu liu husi area mídia nian tanba ne’e mak ha’u simu konfiansa ida ne’e.

SAPNewsTL : Tinan rua mídia ne’e eziste, esperansa no lia tatoli ida ba SAPNews ?

Joana Pereira : Ha’u hakarak fo parabens ba jornalista sira hotu tanba ita bo’ot sira nia forsa no kbiit ne’ebe mak tau hamutuk konsege la’o no tahan duni ho esperansa tomak, vontade de servisu tanba ne’e mak la’o to’o ona tinan rua.

Ha’u husu atu servisu ho didiak, hatudu prestasaun hatun notisia ho kualidade tanba notisia ne’ebe mak kualiadade halo ema barak gosta no kontinua hakarak atu le’e, nune’e to’o loron ida mídia SAPNewsTL sai bo’ot iha ita nia nasaun.

Labele sente kiik liu iha ema seluk nia matan, imi tenke brani hakat ba oin no labele haluha Maromak iha prosessu servisu nian, imi agora tenke la’o ho Maromak no tau fiar metin iha Maromak, Maromak sei tulun imi hotu.

Ha’u fiar katak SAPNewsTL loron ida sei sai bo’ot tanba hahu kontribui ona buat ruma ba kontrusaun estadu Timor-Leste. Imi sei sai masin rai nian no naroman mundu nian. Maromak fo bensa ita hotu. Viva SAP News Timor-Leste.

Jornalista : Marcela Mery da Costa