Fransa Derrota Ho Skore 4-5 ! Espanha Tama Ba Final Liga Nasaun
Imajem : Lamine Yamal & Kalian Mbappé iha Jerman, 06/06/2025. Foto : Fabrizio Romano
SAP News TL : Jogu Liga Nasaun Semi Final ne’ebe hala’o iha madrugada ne’e (06/06/2025), Selesaun Nasional Espanha halakon selesaun Nasional França ho skore 5 a 4.
Marciana Da Conceição Jurnalis – Mídia Sapnews
Jogu iha parte dahuluk ekipa husi selesaun nasional rai rua ne’e halo esforsu no tenta atu hatama golu ba malu, iha ne’ebe Jogador Espanha ho naran N. Williams hatama golu ida iha minutu 22, M. Meniro hatama golu iha minutu 25, maske adversáriu halo esforsu barak atu hatama golu maibe la konsege to’o jogu parte dahuluk termina.
Hafoin iha jogu parte daruak, Jogador Lamine Yamal hatama golu rua iha minutu 54 no 67, no Pedri hatama golu ida iha minutu 55.
Entretantu, jogador França hatama golu haat liu K. Mbappé iha minutu 59 liu hosi Penaltu, R Cherki hatama golu ida iha minutu 79, jogador Espanha D. Vivian hatama golu ba nia baliza (OG) iha minutu 84, ikus liu jogador R. Kolo Muani hatama golu iha minutu 90+3.
Jogu iha Semi Final Nation League resultadu hatudu França hetan derrota hasoru Espanha ho 4-5, Nune’e Espanha sei hasoru Portugal iha final ne’ebe sei realiza iha loron Domingu, 8 Junhu 2025.
Lembra fali katak antes ne’e, Portugal halakon Jerman ho skore 2-1 iha semi final liga nasaun ne’ebe realiza iha Jerman.