FRETILIN Preokupa Sistema Pulsa Eletrisidade Faila Iha EDTL, E.P

SAPNewsTL, Dili: Reprezentante povu iha uma fukun Parlamentu Nasional (PN) liu-husi Bankada Frente Revolusionariu Timor-Leste Independente (FRETILIN), deputadu Fabião de Oliveira preokupa sistema ba pulsa eletrisidade ne’ebe faila iha EDTL, E.P fo difikuldade ba konsumidor sira iha Timor-Leste.

“Ita hare’e sentru hotu-hotu ne’ebé fa’an pulsa sira iha estrada ninin liuliu iha Elemloi nian difikulta tebes ba transporte sira ne’e bele akontese asidente iha ne’eba tanba ne’e mak husu ba EDTL, E.P atu hare’e kestaun ida ne’e, hodi la bele prezudika komunidade sira ba forma naruk, portantu tenke hadia ho urjentemente“, preokupasaun ne’e hato’o husi Deputadu Fabião de Oliveira liu-husi sesaun plenaria iha Parlamentu Nasional (PN) segunda (3/04/2023).

Deputadu ne’e hatutan, konsumidor sira lamentavel tebes ho loja ka sentru sira faan pulsa tanba sistema ladiak sira forma naruk iha estrada publiku difikulta transporte sira, nune’e deputadu ne’e husu ba parte relevante husi EDTL, E.P atu halo jestaun diak hodi nune’e bele garantia estababilidade eletrisidade iha Timor-Leste no hare’e fatin estratéjia nune’e la bele difikulta transporte públiku.

Hatan ba preokupasaun ne’e Ministru Asuntu Parlamentar Komunikasaun Sosial (MAPCOMS- Sigla português) Francisco Martins Da Costa Jeronimo konsidera sentru sira ne’ebé faan pulsa EDTL ne’e, faila iha sistema.

“Ita nia sistema aat no liuliu sira ne’ebé faan pulsa iha difikuldade bo’ot tanba internet operador tolu iha TL maibé operador tolu ne’e mós oferese internet ne’ebé susar tebtebes tanba situasaun timor nian duni no tanba natureza udan no anin entaun difikulta ita iha Prosesu ne’e”, dehan Francisco

Ministru informa, MAPCOMS promete sei informa ba iha EDTL, E.P tanba sira sentru faan pulsa nian maibe iha EDTL E.P diak hela soke sira faan iha dalan ho fatin seluk mak iha problema oituan

Reportajen: Ermelinda Soares