Gasta Rihun 200 USD Ba Festivál Rabilau ! PM Interinu Assanami “Promove Paisajem, Paz & Faternidade”

SAPNewsTL, Díli – Iha ámbitu festivál rabilau, Primeiru Ministru Interinu Mariano Assanami Sabino hateten festivál ne’e atu promove kultyra, paz, fraternidade, paisagem narural no foho barak ne’ebé furak tebes iha Timor-Leste.

Ita iha komponente haat ne’ebe mak ita halo ida mak komponente festival Rabilau, ne’e promosaun kultura no turizmu ne’ebe mak lidera hosi sekretriu arte no kultura, ita mos iha edukasaun liliu ensinu superior ne’ebe mak lidera ho semina ho teknolojia, ita mos iha desportu ne’ebe ita hatene dili maratona tanba ne’e se iha aktividade oioin ne’ebe mak lidera hosi SEJD, ita mos iha promosaun liuliu bilioteka movel.

“Iha Rabilau, ita hakarak promove ita nia paisajen no foho sira ne’ebe mak kapas, ita iha foho barak ne’ebe nu’udar forsa ba ita iha tempu rezistensia hanesan foho Ramelau, Matebian, Kablaki, legumau, Tafara, Tapo no iha foho barak ita sei promove ida ne’e”. Tenik Primeiru Ministru Interinu Mariano Assanami Sabino iha Maubisse,16/10/2024

Prezidente Komisaun Festivál Rabilau ne’e hatutan turizmu nu’udar komponente importante ida hosi ekonomia maibé presiza hadia infraestrutura no kondisaun sira ne’ebé nesesáriu liliu ospitál, bee-moos, eletrisidade no dizitalizasaun.

“Iha komponente tolu ne’ebe mak importante ba ai-rin ekonomia nian ida mak minarai, agrikultura Peska no Floresta no turismu, maibé turizmu ne’e rasik tanba presija hadia ninia infraestrutura no kondisaun hanesan ospital tenki di’ak, fatin ba servisu tenki di’ak, bee moos, eletrisidade no dijitalizasaun”.assanami sublinha

Assanami akresenta, “Parte turizmu iha komponente barak hanesan turizmu ekolojia ho tasi, turizmu relijiozu, turizmu istoriku, turizmu kulináriu tanba turizmu oioin ne’ebe mak ita presija atu promove ida ne’e tama airin tolu ne’ebe mak setor produtivu ne’ebe mak ita tau iha planu estratéjiku tanba ita seidauk dezenvolve di’ak ida ne’e”.

PM interinu ne’e dehan programa ne’e atu promove paz, fraternidade umanu ne’ebe mak Prezidente Repúblika inisia servisu hamutuk ho guvernu atu promove.

“Festivál Rabilau atu promove paz no frarternidade humana, la to’o deit iha ne’e, ita sei hadia kondisaun hot-hotu, halo sentina públiku ne’ebé lubuk ida iha ne’e tenki konserva ho didi’ak no ita sei halo tan uma lubuk ida iha ne’e tanba ema mai la’os atu ba hela iha otél maibe mai iha uma ne’ebe mak tradisional”.

Komponente orsamentu ba festival rabilau refere investe por volta de rihun atus rua, osamentu ne’e mai hosi orsamentu gabinete prezidensia repúblika nian maka jere ba eventu ne’e.

Fo hanoin fali katak, Festivál Rabilau tinan 2024 rejista programa oioin maka hanesan, “1. Aprezentasaun kulturál ne’ebé hatudu múzika, dansa, no instrumentu tradisionál Timor nian, 2. Kompetisaun arte iha pintura, múzika koremetan, no arte dijitál, 3. Kompetisaun gastronomia no feira ne’ebé hatudu hahán lokál.”

“4. Feira livru nian no bazar produtu lokál nian, 5. Aprezentasaun múzika moderna husi artista timoroan sira, 6. Atividade ba labarik sira no sinema, 7. Eventu desportu lokál sira no 8. Esplorasaun guiada ba foho Rabilau”.

Eventu loron haat ne’e sai nu’udar espozisaun kaptivante ba identidade Timor-Leste nian no konvite ida ba mundu atu deskobre beleza naturál nasaun nian.

Vizitante sira ba Festivál Rabilau iha oportunidade atu mergulha sira-nia an iha kultura timoroan nian liuhosi workshop kona-ba artezanatu tradisionál sira, vizita ho matadalan ba fatin istóriku sira, no atividade eko-turizmu nian ne’ebé hatudu paizajen furak Timor-Leste nian.

Enkuantu, abertura Festivál Rabilau sei hetan partisipasaun máximu husi governante, konvidadu no komunidade sira iha Rabilau, Postu Administrativu Maibisse Munispiu Ainaru.

Jornalista : Marciana da Conceição