Grau Lisensiatura Lidera UNITAL ! Estudante Lamenta & Krítika Fundasaun
![](https://sapnewstl.com/wp-content/uploads/2024/07/IMG-20240723-WA00202.jpg)
Imajem : Estudante UNITAL hala’o komunikadu imprensa iha kampus UNITAL Bekora, 23/07/2024
SAPNewsTL,Díli- Movimentu Estudante Universidade Oriental Timor Lorosa’e (UNITAL sigla Portugues) preokupa ho aktual Magnifiku Reitor UNITAL Joaquim de Jesus Vaz ne’ebe ho grau lisensiatura(S1) tanba sira konsidera la prense lei regime carreira dos docentes.
Tuir Portavoz Silvester Freitas hateten, polémika ida ne’e sai hanesan problema bo’ot ne’ebe implika ba sistema iha universidade hodi difikulta prosessu aprendijazen, tamba bazeia ba baze rejime careira dos dosentes ne’ebe hateten katak, lisensiatura (S1), kriteria universidade la autoriza pessoa ho grau lisensiatura (S1) atu sai hanesan professor ou asume kargu magnifiku reitor.
“Sistema universitáriu nian bazeia ba Lei Regime Carreira dos Docentes nian ne’ebe dehan katak lisensiatura (S1) labele hanorin sa tan asumi kargu hanesan Magnifico Reitor, ami estudante la konkorda lisensiatuza (S1) atu asumi kargu hanesan Magnifiku reitor ba mandatu tinan tolu(3), grau lisensiatura (s1) la merese hetan asinatura husi nivel lisensiatura (S1)”. Dehan, Silvester Freitas liu husi, Komunikadu Imprensa ne’ebe hala’o iha resintu, UNITAL, Tersa, (23/07/2024)
Estudante, Universidade Oriental Timor Lorosa’e, husu ba fundasaun UNITAL atu apresenta abilidade husi aktual magnifiku reitor nian durante semana ida nia laran hodi nune’e estudante, inan aman no publiku hotu bele entende kona ba preokupasaun refere.
“Ami husu ba fundasaun atu apresenta rekezitus abilidade husi Magnifiku Reitor foun nian durante semana ida nia laran, ami estudante, inan aman no publiku hotu duvidas kualidade, Reitor atual nian, tanba ne’e ami husu ba, Ministério Ensino Superior no ANAAA atu hare’e asuntu Reitor Unital Foun ne’ebe mai ho nivel lisensiatura no ami duvida liu-liu Magnifico Reitor Atual tenke hatene lolos katak ninia posizaun ne’ebe nia hatur an ba ami estudante”.
Estudante ne’e hatutan, nomeasaun reitor UNITAL hanesan aktu ambisaun familiarismo no la tulun sosiedade akademiku iha futuru, tamba la priense rekezitu bazeia ba standar akademiku, estudante hamrik neutru no, hato’o ba fundasaun obrigatoriamente aprezenta grau akademiku ne’ebe as husi veider sthal Sr. Joaquim de Jesus Vaz.
“Desizaun ne’e fundasaun foti ami konsidera hanesan fandsett uza matan hodi haree maibe deside deit iha nakukun Iaran. Ami estudante apela ba públiku liu-liu finalista Secundaria sira atu labele kontinua iha Universidade Oriental Timor Lorosa’e (UNITAL) tanba daudaun ne’e iha ema nivel lisensiatura mak sai nu’udar Magnifico Retor.”Nia husu
Iha fatin hanesan, representante estudante salomão husu ba estudante finalista ne’ebe agora prepara hela dokumentus ba graduasaun atu labele gradua tanba sei fo implikasaun ba diploma no la garante kualidade diploma iha mundu kompetitivu futuru oin mai, nune’e sira husu Agencia Nacional para a Avaliação e Acreditação Academica(sigla Portugues ANAAA) no Ministério Ensino Superior atu prosessa tuir dalan legal.
“Ami solisita ba Ministério Ensino Superior no ANAAA atu hare’e prosesu ne’e tuir dalan legal no prinsipiu kualidade akademiku nian, hare’e ba kualidade magnifiku reitor atual ne’ebé ho nivel lisensiatura bele implika ba kualidade estudante sira nian, liu-liu atu asina diploma ho nivel lisensiatura no masteradu nian, ho kualidade hanesan magnifiku reitor atual bele afeta ba prosesu avaliasaun no akreditasaun universidade nian,”nia hakotu.
Hafoin notisia ne’e tun, SAPNews seidauk halo komfirmasaun ho Fundasaun UNITAL no Reitor UNITAL ligadu preokupasaun ne’e.
Jornalista : Ermelinda Soares