Julgamentu Dahuluk ! Santiago Konsidera Teves Iha Kazu Barak
Imajem : Arnolfo Arnei Teves Jr. iha Manila, 05/05/2025. Foto : Phipplipes Star
SAPNewsTL, Filipina — Gabinete Nasionál Investigasaun (NBI sigla Inglês) fo sai katak Eis Reprezentante Negros Oriental Arnolfo Teves Jr. hetan akuzasaun ohin ba kazu kriminál ida iha tribunál Manila, Filipina.
Marciana da Conceição – SAPNews / Fontes – Phipplipes Star
Juis Renato Enciso hosi Tribunál Julgamentu Rejionál Manila (RTC) Ramu 12 marka akuzasaun no konferénsia pré-julgamentu iha tuku 8:30 dadeer ho akuzasaun sira kona-ba pose ilegál hosi kilat no esplozivu sira.
Diretór NBI Jaime Santiago hatete nia parte hein hela instrusaun tribunál nian hafoin Teves nia advogadu Ferdinand Topacio, hatama mosaun ida ba nia kliente atu tuir prosesu online.
Santiago hatete katak NBI preparadu atu transporta Teves ba tribunál hosi NBI iha resintu Bureau of Corrections, Muntinlupa.
“Ha’u sei haruka batallaun ida hosi pesoál seguransa nian hodi lori nia ba tribunál Manila nian,” Santiago hatete. “Maibé iha mosaun ida ne’ebé hatama hosi advogadu hodi husu atu nia akuzasaun hala’o liuhosi Zoom, ne’ebé maka permitidu iha judisiáriu.”
NBI mós hein orden sira kompromisu nian hosi tribunál neen hotu ne’ebé trata akuzasaun sira ne’ebé hatama hasoru Teves.
Santiago mós hatete katak ajente sira NBI ba Negros Oriental iha loron-tersa ne’e hodi fó mandadu kapturasaun ba kazu seluk ne’ebé Teves hasoru iha nia provínsia.
Santiago hatete katak Teves iha hela sela ida ho medida 10 metru kuadradu ne’ebe oras ne’e ho detidu ho ema na’in rua seluk.
Ligadu ho oportunidade libertasaun temporária ba Arnolfo Teves, Santiago espresa dúvida tanba nia iha kazu barak.
“Nia iha kazu barak no barak hosi sira ne’e laiha kausaun. Nune’e iha parte fó nia kausaun, hanesan eis-juís, ha’u hanoin katak sei la hetan aprovasaun”, nia hatete.
Enkuantu, Antes ne’e Arnolfo Teves husu ba tribunal hodi prosesa kazu ne’e ho lais tanba nia sente katak nia parte la komete kazu.
“Ha’u hein katak kazu ne’e bele hotu ho lailais, ha’u fiar hau nia advogadu”. Sublinha Teves iha Filipina, 30/05/2025