Rein Liman, Santu Padre Papa Francisco Hatudu Simplesidade
Imajem : Papa Francisco rein Lider Boot Meskita Istiqlal, Nasaruddin Umar nia liman iha Jakarta,05/09/2024. Foto : Djemas Reviyanto
SAPNewsTL, Jakarta – Líder Santa Sé Vatikanu, Papa Francisco rein Lider Boot Meskita Istiqlal, Nasaruddin Umar nia liman, iha Jakarta, Indonésia.
Tuir informasaun ne’ebe SAPNews asesu hatudu Santu Padre fo rein ida ba Lider Boot Meskita Istiqlal, Nasaruddin Umar, nune’e mós Nasaruddin Umar fo beiju ba Papa Francisco nia ulun, hafoin hasai foto grupu hamutuk iha Meskita Istiqlal, Jakarta, Kinta-Feira, 5 Fulan Setembru tinan 2024.
Durante nia vizita, Papa Francisco haree diretamente túnel amizade nian ne’ebé liga Meskita Istiqlal no Igreja Katedrál, iha biban ne’e mós asina Deklarasaun Konjunta kona-ba Istiqlal 2024, Hametin Armonia Relijioza ba Umanidade.
Fo hanoin fali katak, tuir ajenda Santu Padre Papa Francisco aban sei aranka ba Papua Nova Guine hodi halo vizita apostólika durante loron tolu (06-09/09/2024), Hafoin sei mai Timor-Leste iha loron 09-11 fulan Setembru no kontinua ba País Singapura iha loron 11-13 Fulan Setembru tinan 2024.
Jornalista : Conzita Mota