Klube 16 Prontu, Kompete Kopa FFTL 2024
SAPNewsTL, Dili: Klube 16 inklui klube divizaun daruak rua ho klube promovidu ba divizaun dahuluk Liga Timorense prontu kompete Kopa FFTL 2024.
“Ita nia kopa, ita sei hahu iha loron 10 fulan maiu 2024 no sei remata iha loron 28 fulan jullu 2024 tanba jogu sei hala’o kada loron sesta- feira, sabadu ho domingu, jogu ne’e rasik sei hala’o iha Estadium Munisipal Díli tanba hetan lisensa husi MJDAC, partisipa husi klube 16 inklui klube rejistadu iha Liga Timorense tolu”, dehan diretor kompetisaun FFTL ba jornalista sira iha salaun Xanana Sport Center Bairro Formosa , Dili Sabadu (04/05/2024).
Imajem Naran Klube 16 ne’ebe sei kompete iha FFTL CUP 2024
Diretor hatutan, FFTL tarjetu klube partisipa divizaun dahuluk no daruak Liga Timorense maibe infelizmente maibe maioria sira la rejistu klube tolu deit mak rejistu entaun FFTL loke fali ba públiku razaun klube rejistadu liga la partisipa ne’e parte FFTL seidauk hatene klaru maibe parte FFTL hare’e komentariu iha midia la iha karta ofisial husi FFTL ba klube sira.
Nia informa tan, Parte FFTL nia komunikasaun ba klube rejistadu iha liga ho maneira tolu, manda karta husi email, husi Whatsapp no lori direitamente ba iha sede klube ida-idak nian maibe klube balun mos nia enderesu la klaru entaun parte FFTL konvida sira mai foti direita iha edifisiu FFTL ho nune’e klube tolu rejistadu iha liga mak mai rejistu no klube 15 mak la partisipa.
Nia afirma tan, iha regulamentu kompetisaun sira mensiona katak klube rejistadu iha notariadu ne’e opsional maibe ba klube sira hakarak partisipa iha Kopa FFTL tenki iha kriteria minimu mak tenki iha estrutura no estatutu ba oin FFTL koopera ho MJDAC bele fasilita iha rejistu iha notariadu.
Entretantu klube 16 ne’e dada sorteiu ona iha loron 4 fulan maiu 2024 tan ne’e klube 16 fahe ba pool haat kada pool iha klube haat hamutuk, Kopa FFTL sei abertura husi klube Relay Laleia FC kontra DIT FC iha loron 10 fulan maiu 2024.
Klube 16 sei kompete Kopa FFTL 2024 mak DIT FC, Relay Laleia FC, Nature FC, AS Kantada FC, Mushola FC, Assa FC, ATL Mota Ain FC, Rai Klaran FC, Fiel FC, Zhavia FC, Maubale FC, Iraler FC, Lica Lica Lemorai FC, Ostico FC, B2B FC no São Jose.
Reportajen: Augusto dos Santos