Komemora 12 Novembru, PR Horta : Ita Deve Heroi Sira
Imajen Peregrinasaun Populasaun husi Igreja Motael to’o Santa Kruz. Foto : Absa da Costa Lopes
SAPNewsTL (Dili). Iha sabado (12/11) Povu Timor Leste Akompanha Presidente da Republika Jose Ramos Horta, hala’o Marxa da Paz, husi Igreja Santo Antonio Motael ba Semiterio Santa Cruz, Hodi Hanoin hikas loron Nasional Joventude Loriku Asuain no Martires ne’ebe fakar ran iha Semiterio Santa Cruz iha loron 12 de novembro tinan 1991.
Iha Diskursus Xefe estado Horta hateten, entidades hotu Nafatin esforsu hodi kontribui atu desenvolve Nasaun, tanba Heroi sira hanesan tusan ba luta Independensia.
“Ita deve vitima santa Cruz no Heroi hotu, tanba ne’e tenki kontinua hari’i Nasaun ida livre, demokratiku, bazeia ba Direitu, justisa, inklui ekonomiku no sosial”.(Dehan Xefe Estado hafoin partisipa selebrasaun Loron Nasional Joventude ba dala 17 no Masakre santa Cruz ba dala 31 iha Semiterio Santa Cruz)
Imajen Diskursu Presidente Republika Jose Ramos Horta
Tuir PR Horta, atu hari’i Nasaun paz no moris iha dame nia laran presiza entidades tomak atu fo onra ba Joventude Loriku Aswain Eroi hotu, no mos Jornalista Internasional Max Stahl inklui sira seluk.
“Tenki hari’i Nasaun ida moris iha demokrasia, iha Multipartidarizmu, iha Liberdade relijioza, laiha diskriminasaun ba grupu etnia,relijiuzu, kontinua simu malu, no kolabora hanesan Timor Leste dadaun ne’e”.(haktuir xefe estado Horta).
atu halo desizaun nasional laos deit Governu, Deputadu, no Presidente Da Republika, buat hotu hotu liu Tribunal Rekursu, kuandu iha duvida ruma haree liu ba Lei ne’e tuir duni letra espiritu konstituisaun no ekuidade labele iha grupo ida hetan Liu benefisiu.(afirma Xefe estado).
Presidente Komite 12 Novembru Grigorio Saldanha
Iha Fatin hanesan, Presidente comite 12 de novembro Grigorio Saldanha hateten, selebrasaun ne’e hodi hanoin hikas Joventude Loriku Aswain Sira ne’ebe luta ba prosesu libertasaun.
“Ita ne’ebe agora moris atu banati tuir espiritu ne’e liu husi saida mak halo iha prosesu Desenvolvimentu nunee servisu ho sakrefisio ho disciplina”.(hatutan nia).
Entertantu: Marka prezensa iha komemorasaun ne’e mak hanesan Presidente Da Republika, Jose Ramos Horta no Eis Presidente Da Republika Francisco Guterres Luolo ho nia Espoza, Xefe estado maior das F-FDTL major Jenderal Falur Rate Laek, membros do Governo no Membros Parlamento, familia matebian husi Sebastiaun Gomes no mos Max Stahl inklui entidades sira hotu.
Jornalista : Vinsensius Saldanha