Komemora Loron Liberdade ! Pe. Urbanus : Jornalista Ne’e Vokasaun Ida

SAPNewsTL, Dili: Hafoin Selebra Misa hodi Komemora Loron Liberdade Imprensa ba dahuluk iha Balibo, Pe. Urbanus Bunga Lolon SVD, hateten ohin hanoin hikas jornalista na’in lima ne’ebe mate iha tinan 48 liu bá, Jornalista sira iha Timor Laran tenki servisu hamutuk hodi la’o tuir sira nia ain fatin

“Hanoin fila fali kolega Jornalista sira ne’ebe mak mate iha ne’e, selebrasaun ida ne’e hanorin Joven no labarik sira atu bele hakas aan bele hakerek tanba ita ema timor ne’e koalia barak maibe labele hakerek tanba ne’e ita lakon aspeitu ida aspektu mentalidade no kultura hakerek nian tanba ne’e istoria timor nian bar barak maibe estranjeiru oan sira mak hakerek”.Tenik Padre Urbanus Bunga Lolon iha Igreja Balibo, 16/10/2023

Padre Vigario Parokia Balibo ne’e apresia Guvernu tanba bele fo oportunidade ba Jornalista joven sira hodi hakerek kona ba liberdade liu husi kompetisaun sira

“Ha’u apresia katak Governu fo oportunidade ba Jornalista sira atu bele hato’o sira nia talentu, oinsa atu hakerek, ita mos espera katak Governo suporta nafatin Joven sira ita hahu husi mentalidade hakerek nian tanba ne’e ita lakon aspektu hakerek ita koalia, koalia maibe ita nunka hakerek”. Nia Hateten

Padre Urbanus akresenta sai Jornalista hanesan Vokasaun ida enjoy ho knar ida ne’e hakerek bu’at saida mak uza liafuan ne’ebe gaia maibe tuir realidade ne’ebe mak labele bosok, hakerek bosok ema ne’e lalos maibe hakerek buat ruma ne’ebe lo’os hodi atrai ema gosta le’e no haree.

“Jornalista ne’e vokasaun ida, enjoy ho knaar ne’e, Jornalista labele bosok tenki hakerek lialos atu ema bele gosta Lee”. Nia konsidera

Iha fatin hanesan, Presidente Konselhu Imprensa (KI) Otelio Ote haktuir Balibo Five iha Jornalista sira nia fuan, ba futuru balibo oan sira bele banati tuir prosisaun ida ne’e

“Balibo Five iha Jornalista sira nia fuan, espera ba futuru Balibo oan sira bele tuir ami nia profisaun ida ne’e, Governu iha Sekretariu Estadu Komunikasaun Social (SEKOMS) prontu atu ajuda balibo oan sira karik hakarak hari’i Rádio no media online iha balibo tanba ami iha konpremisiu balibo hanesan Ponte ba luta nian”.

Presidente Konselhu Imprensa ne’e hakarak Balibo tenki iha karakteristika rasik ne’ebe buras ho paz no estabilidade

“Balibo tenki iha karakteristika ida rasik husi balibo ita hamosu konflitu, husi balibo ita hatun fali paz ba ita nia komunidade sira iha ne’e, no mos ba povu Timor laran tomak”. Otelio Ote afirma

Enkuantu tinan ne’e, Timor Leste Komemora Loron Liberdade Imprensa ba dahuluk no hánoin hikas Jornalista na’in lima ne’ebe mate iha tinan Loron 16 Fulan Outubru 1975 tanba hetan assasinatu husi Militar Indonéziu Sira

Jornalista : Ermelinda Soares & Benezia dos Reis