Komunidade Musulmanu Festeza Loron Eidul Fitri, Fiel Ba Maromak Kontribui Ba Eleisaun Ho Nasionalizmu

SAPNewsTL, Dili : Kominidade Musulmanu Iha Timor Leste sexta-feira orseik Festeza Eidul Fitri 1444H/2023 M nakonu ksolok no feliz ho familia sira, Tuir Vise Presidente Konsellu Nasonal Islamiku Timor Leste (KONISTIL) Abdullah Inacio Antonio Soares kongratula komunidade musulmanu sira ne’ebe mak festeza loron Eidul Fitri ne’ebe nakonu ho ksolok

“Ha’u kongratula ha’u nia belun musulmanu sira, felizmente ohin ita selebra ita nia loron vitoria, nakonu ho haksolok ba familia. tinan ida ne’e ita selebra ho jejum ho Ramadan durante 30 dias no grasas a Deus Allah Subahanwata Allahita finaliza ho diak ho ksolok ba familia hotu ne’ebe mak prosessa ita nia jejum, ne’ebe mak nakonu ho haksolok, unidade, fraternidade iha familia no musulmanu”. Dehan Vise Presidente KONESTIL Abdullah Inacio Antonio Soares ba Jornalista sira iha Mastijit Anur Campu Alor,Sexta-feira(21/04/2023)

Nia hatutan ho ispiritu loron vitoria ne’e, nia apela ba komunidade hotu-hotu hodi hatudu nia fiar ba Maromak Allah Subahanwata Allah no Alkuran (Biblia)

“Ohin Loron ita selebra vitoria ida ne’e, ha’u apela ba ha’u nia nia komunidade sira, fiar metin nafatin ba ita nia fe, ita fiar ba ita nia Maromak Allah Subahanwata Allah no profeta Muhammad shalallaahu Allahi wassalam kontinua aplika iha ita nia moris lor-loron tuir Alkuran no kultura husi Muhammad shalallaahu Allahi.Hau nia kongratura ba iha Eidul Fitri ho esperansa ita fo domin ba malu ho fuan mos ba ita nia rai Timor-leste” Tenik nia

Entertantu, Vise KONISTIL ne’e mos apela ba komunidade no sidadaun Timor-Leste atu disciplina no kontribui ba eleisaun parlamentar ho susesu

“Ita tenki disciplina ba konstituisaun, kontribui ba kampanha no eleisaun, ita prense ita nia direitu no dever nu’udar sidadun Timor, iha prosessa kampanha no vota ho konsensia. apela ba lider politika sira katak iha momentu kampanha espalla informasaun ne’ebe mak fiar metin nasionalidade patriotismu no nasionalizmu”.nia hakotu

Enkuantu, iha festa Eidul Fitri ne’e hetan partisipasaun maksimu husi komunidade musulmanu sira iha Timor Leste, portantu Presidente KONISTIL Sidik Lemorai mos selebra festa ne’e hamutuk ho komunidade musulmanu sira iha Postu Administrativu Same, Munisipiu Manufahi

Jornalista : Marcela Mery da Costa