La Fo Kulpa Ba Komunidade, PAMD Husu Ema Hotu Soe Foer Iha Lixeiru

DILI – Prezidente Autoridade Munisipiu Dili Guelhermina Ribeiro hateten dekreitu lei ne’ebe regula ba Komunidade sira, negosiante no Xineza soe foer ne’e antes dekreitu lei iha ona hahu soe iha tuku 4 madrugada to’o tuku hitu dader, Presidente Autoriedade ne’e husu ema hotu soe lixu iha lixeiru

Prezidente Autoridade Munisipiu Dili Guelhermina Ribeiro hateten sei forma fila-fali ekipa ida atu reorgoniza fali situasaun ema soe foer arbiru no komersiante boot sira tenki soe foer iha lixeiru.

“Husi situasaun ida ne’e mos iha responsabilidade husi autoridade lokal sira no atu fo hatene ba autoridade lokal sira ami atu halo Karta ida deriji ba loja sira, para loja sira hatene katak oras ne’ebe soe foer iha lixeiro.” dehan prizidenti Autoridade Municipio Dili iha nia knaar fatin ba Jornalista Sapnewstl, kinta feira.(02/06).

Nia akresenta, kios kiikoan no kios boot sira hakarak ka  lakohi sira soe rasik, sira rasik lori foer ba soe, ita rasik hare’e katak kuase lixeiru ne’eba husi loja, tanba  kaixa boot sira husi Keos la produz no kaixa boot sira ne’e.

“Maioria Kaixa boot sira husi Komersiante Xina sira mak soe foer ne’e, iha sentru komersiante sira boot ne’e ba soe rasik ha’u hare’e ho sira nia kareta ne’ebe sira ba soe rasik.” Nia hateten

Depois monitorizasaun iha tibar ne’eba  hare’e instental lori  foer ne’e soe iha ne’eba tanba husi  kompania sira  rekolla foer dadersan ne’ebe balu tuku: 4:00 to’o tuku 5 dadersan.

”Ha’u hetan kareta Saneamentu raut foer iha tuku: 5 liu minutu balu , foin dadauk sira enkontru hateten katak iha mos ita nia komunidade balu lori sira nia kareta privadu lori foer barak ba soe iha lixeiro fatin, Maibe ha’u la bele fo kulpa ba komunidade sira tanba komunidade sira la produz foer barak, sira produs foer hanesan ai-tahan, hahan restu sira ne’e ladun barak ida, foer barak mai husi ita komersiante sira.” Tenik nia.

Prezidente Autoridade Munisipiu Dili Guelhermina Ribeiro nia fundamenta Lixeiro fatin anterior nia tanba agora  hanoin atu  tau lixeiro fatin foun maibe governu halo tiha lansa projeitu ne’ebe hein deit wainhira  tribunal rekursu aprova halo apresiasaun husi Ministru asina ona  projeitu ida ne’e.

 “Ita fahe ba buat rua kareta Saneamentu  ba asuntu kiikoan ba ita nia funsionariu saneamentu tau sira hodi dasa rai depois ba tau hamutuk, saneamentu lolos ne’e kareta kabeneta 5 no 2 a’at, 3 iha hela, Ne’e lori ajuda fila-fali iha fatin ne’ebe kompania sira la konsege foti urjente, sira bele foti maibe sira lori kolleta lixu tuir lolos ne’e kompania sira, Entretantu kareta saneamentu ne’ebe raut foer iha Dili laran hamutuk 54.”hateten nia.

Prezidente Autoridade Munisipiu Dili  hakarak apela ba komunidade sira nune’e mos komersiante sira katak ema hotu-hotu iha responsabilidade, laos responsabilidade autoridade munisipiu ninian mesak, Responsabilidade ida-idak soe foer tuir oras ne’ebe iha tanba, kuandu kareta foti foer ne’e loron ida dala 3 deit

“Ita mos presiza oinsa kopera ho estadu atu asegura para lixu la bele naran soe arbiru no soe ho oras, segundu hanesan ne’e kuandu ita la soe ho oras, ita nia maluk sira ba ne’eba soe buka fila-fali kalen a’at, plastiku ba sira fa’an.” tenik nia.

Enkuantu Prezidente Autoridade Munisipiu Dili Guelhermina Ribeiro ne’e husu komunidade iha capital Dili atu labele husik animal arbiru hodi ba sobu lixu , sidadaun ida-idak tenki lao ba soe foer tuir ninia fatin hodi asegura Dili ne’ebe moos no livre husi lixu

Jornalista : Lidia Amaral

Editora     : Ermelinda Soares