Lansa Rezultadu Peskija, Graduadu 31% Hetan Empregu

SAPNewsTL, Dili : Sekretária Estadu Formasaun Profisionál no Empregu (SEFOPE) Rogério Araújo Mendonça partisipa sermónia lansamentu rezultadu peskiza buka tuir graduadus (Tracer Studies) no deziminasaun informasaun merkadu traballu Timor-Leste.

Iha lansamentu ba relatóriu peskija buka tuir gradua tinan  2023 ne’e, SEFOPE Rogério de Araújo Mendonça agradese ba graduadu sira ne’ebe fo sira nia tempu hodi simu intervista husi ekipa peskijador

“Agradesimentu ba graduadu ne’ebe livre sira nia tempu hodi responde durante intervista no agradese ba ekipa peskizador no sentru informasaun merkadu trabalu diresaun nasional formasaun Profesional, fornesedor sentru formasaun Profesional sira hotu ne’ebe maka apoiu asistensia teknika iha SEFOPE hodi bele finaliza relatoriu ba dadus ne’ebé rekolla iha fulan maio até fulan agostu 2023”. Tenik SEFOPE Rogério Araújo Mendonça iha Salaun Suai Room, Timor Plaza, 09/10/2023

Governante ne’e hatutan, rezultadu husi peskiza buka tuir graduadu iha tinan 2023 hatudu katak iha feto 66% maka partisipa no mane 34 % maka partisipa hanesan graduadu reprezenta husi tinan 2018-2022 ho programa lima maka hanesan konstrusaun jeral, automotik, hospitalidade, Turismu, Administrasaun Finansas no agrikultura.

“Feto 66% maka partisipa no mane 34 % maka partisipa, 2.5% maka konsidera hanesan ema difisIente iha fiziku, rezultadu husi peskiza ida ne’e hatudu 31% graduadu mak hetan ona empregu hafoin remata sira nia kursu iha sentru formasaun idak-idak”. Nia informa

Rezultadu seluk husi peskiza ida ne’e maka 82%maka satisfas ba sentru formasaun no programa iha sentru formasaun rezultadu ikus husi peskiza ida ne’e mak kompetensia no servisu kualifikasaun 83%, iha 90% graduadu interese atu hakarak ba servisu iha Estranjeiru maka hanesan  Nasaun Japaun, Portugal, Australia, Inglaterra, Korea Sul no nasaun sira seluk

Iha  fatin hanesan,  Direitor  Diresaun Nasionàl  Informasaun Merkadu Traballu  Angelo dos Santos Nelos, dehan peskiza buka tuir graduadu sentru formasaun ne’e halo durante fulan tolu nia implementasaun fulan rua remata

“Ita nia uza  metedologia intervista maibe antes ita ba ita halo amostrazen ba 400 pesoas ne’ebe maka sentru formasaun akreditadu iha SEFOPE nia okos, Sentru formasaun privadu  ita la tama maibe ita fokus liu ba sentru akreditadu ne’ebe mak hetan sertifikadu husi indimo ne’e maka ita tama ba halo intervista”.Angelo deklara

Enkuantu, Peskiza buka tuir graduadus (Tracer Studies) ne’e, realiza husi Sekretária Estadu Formasaun Profisionál no Empregu liu-husi diresaun Sentru Informasaun Merkadu Traballu iha tinan ida ne’e. Objetivu buka tuir graduadu sira ne’ebe iha tinan 2023 atu implementa tuir nesesidade husi SEFOPE

Jornalista : Ermelinda Soares