16 Outobru ! Estudante 56,495 Sei Partisipa Ezame Nasionál
SAPNewsTL, DILI-Relasiona ho ezame nasional ne’ebe sei realiza iha loron 16 de outubru tinan 2023. Ministeriu edukasaun liu husi Sekretariu Estadu Ensinu Sekundáriu Geral no Ensinu Tékniku Vokasional Domingos Lopes Lemos informa Estudante 56.495 mak sei partisipa iha ezame nasionál tinan ne’e.
Sekretariu Estadu do Ensino Secundario Geral e Ensino Tecnico Vocacional Domingus Lopes Lemos, hateten katak exame nasional nu’udar parte integrante hosi sistema edukasaun Timor-Leste sei realiza hamutuk no simulteneamente ba kanorin sira iha klase da-9 ensinu baziku no klase da-12 ensinu sekundariu, iha dia 16 fulan outubru tinan ida ne’e.
Nia haktuir katak nu’udar inan aman kria kondisaun no situasaun ba oan sira atu prepara hodi tuir exame nasional ho diak
“Eventu anual ida ne’e iha implikasaun boot ba politika edukasaun, kanorin sira nia moris, inan aman manorin no ba prossesu edukasaun rasik.Nu’udar inan-aman, Ha’u sente mos saida mak ita nia oan sira senti. Iha esperansa atu hetan rezultadu diak, maibe iha mos preokupasaun balun”.
“Nune’e maluk inan-aman sira mai ita kria ambiente ne’ebe trankilu no konfortavel ba oan sira atu estufa iha uma. Nu’udar inan an no enkaregadu edukasaun, presiza evita situasaun ruma ne’ebe bele perturba labarik sira nia preparasaun hasoru ezame nasional”Dehan Sekretariu Estadu Domingus Lopes Lemos ba Jornalista sira iha salaun Ministru edukasaun, Quarta-feira(11/10/2023)
Nia informa ezame nasional hanesan momentu ida ne’ebe mak importante tanba atu avalia ba kanorin sira nia alkansa
“Ba manorin sira, eventu ezame nasional mak momentu importante ida ba ita boot sira. Implementasaun ezame nasional sei fo vizaun jeral kona-ba kanorin sira nia rezultadu aprendizajen.Avaliasaun ida ne’ebe diak sei fornese informasaun sira kona-ba saida mak alkansa ona no oinsa atu mellora liutan aspetu sira ne’ebe diak oan”.nia haktuir
Sekretariu Estadu salienta katak rezultadu ezame nasional util tebes atu halo diagnosa ba problema sira ne’ebe mosu iha prosesu aprendizajen diagnostiku iha dixiplina ruma bele sai nu’udar referensia hodi define estratejia pedagojia ne’ebe adekuadu atu implementa iha sala hanorin nian.
“Esperensia ba kanorin doben sira, klase da-9 no da-12 prepara imi nia ann ho diak atu tuir ezame nasional ne’ebe besik dadaun ona. Halo orgullhu imi nia ann, imi nia inan aman no imi nia manorin sira, orgullu ho imi nia rezultadu iha ezame nasional, ne’ebe imi hetan ho onestu no integridade”.nia husu
Enkuantu estudante sira ne’ebe mak sei tuir exame nasional husi klase da-9,da-12 ba ensinu sekundariu no ensinu tekniku vokasional hamutuk 56.495 no disiplina ba ensinu baziku hamutuk ne’en(6), Portugues, English,Matematika,Ciencia Fisika,Historia Geografia no Tetun.
Ba ensinu sekundariu geral iha hitu(7),Portugues, English, Matematika, Fisika, Biologia, Quimika no Tetun ba ciensia Teknologia, Ciencia Social disiplina hamutuk hitu(7), Portugues,English, Economia,metodo kuantitativu,Historia Geografia,Sosiologia no Tetun. Ba ensinu tekniku Vocacional iha disiplina neen(6)
Jornalista : Marcela Mery da Costa