UNTL Hakarak Empodera Feto Iha Edukasaun & Ekonomia
SAPNewsTL,DILI- Iha ámbitu komemorasaun loron internasional Feto Rural, Universidade Nasional Timor Lorosa’e(sigla Portugues UNTL), organiza programa diskusaun Cafe Genero ho tema Expressão Rural na UNTL
Tuir Vise-Reitora ba asuntu estudantís UNTL, Ligia Tomás Correia hateten UNTL festeza loron internasional ba feto rural hodi empodera feto sira
“Embora ami la ba direitamente area rural maibe ambitu komemorasaun ne’e ami hala’o iha auditoriu Liceu ho espresaun rural, ita hotu-hotu fo koragem ba feto Timor-Leste maske sira iha rural maibe nia iha espiritu kontribuisaun iha nasaun ne’e liu husi sira nia aktividade oioin”Dehan Vise-Reitora Ligia Tomás Correia ba jornalista sira iha resintu UNTL,Tersa-feira(10/10/2023).
Vise-Reitora ne’e salienta katak tinan ida ne’e kona-ba dezenvolvimentu feto rural nia kontribuisaun hare’e ba parte hotu-hotu, hakarak fo koragem ba sira nia partisipasaun ho sira nia matenek ho esperensia ne’ebe mak sira iha, hodi kontribui ba area importante sira hanesan edukasaun,saude no ekonomia
“Ita fo biban ba inan feto sira iha area rural, iha koragem nafatin iha espiritu ne’ebe mak forte. Ho ambitu komemorasaun ne’e hau fiar katak koragem ne’ebe mak ita hakarak fo ba ita nia feto maluk sira, sira mos bele partisipa maximu ba kontribuisaun liu husi area tolu(3),ne’ebe mak hau temi, atu nune’e feto bele hola parte iha komunidade sosial, kultural ho konhesimentu no matenek.” Nia haktuir
Enkuantu, orsamentu ne’ebe mak uza ba aktividade ne’e mai husi orsamentu geral estadu UNTL nian, iha mos kategoria ne’ebe liga ba orsamentu igualdade no generu.
Entertantu, orador prinsipal husi diskusaun Café Genero ne’e mai husi Xefe Gabinete Secretario de Estado da Igualdade, Komandante Polísia, Professor Univesdidade da Paz, no Presidente Rede Feto
Jornalista: Marcela Mery da Costa