Ohin, Baukau Oan Na’in 2 Tara An ! Durante Fulan 9, Ema Na’in 7 Oho An

SAPNewsTL, Dili : Ohin dader maiz ou menuz tuku neen madrugada, Komunidade sira ne’ebe hela iha area Tasi-Tolu hetan sidadaun feto ida tara an no hetan kondisaun iis laiha ona, iha sorin seluk, Feto ran ida tara an tan iha Postu Venilale Munisipiu Baukau

Ohin dader madrugada mosu akontesimentu ida, Sidadaun feto ida tara an iha area Tasi-Tolu, hafoin tara an Komunidade sira ne’ebe hetan maibé ho kondisaun laiha ona iis

Hafoin Informasaun ne’e públika SAP News TL to’o kedas iha fatin akontesimentu hodi haree direita no husu kronolojia ba ninia familia maibe família rezeita la fo informasaun

Tuir Informasaun ne’ebé SAP News asesu katak sidadaun feto ne’ebe tara an ne’e forma ona família maibé seidauk kous oan

Durante Matebean sei tara an hela iha aí-hun ida, Família Informa kedas ba parte Autoriedade Seguransa, Polísia Nasional Timor Leste (PNTL) to’o iha fatin hodi hatun husi ai ne’ebe nia tara an ba

Enkuantu, to’o agora seidauk hatene kauza husi insidente Matebean feto ne’e tara an, maske nune’e maibé parte Polísia lori ona no sei submete ba prosesu autópsia

Iha sorin seluk, kazu ne’ebe hanesan Ohin Loron, 10 Fulan Outubru 2023, maiz ou menuz haleu oras meiudia mosu tan insidente joven feto ida tara an iha Suku Badu-Mori Postu Administrativu Venilale, Munisipiu Baukau

Hafoin Informasaun ne’e públika iha sosial media, SAP News Timor-Leste buka tuir kedas no halo kontaktu ho Venilale oan balun katak Sidadaun feto ida ho Naran Estimadu Abuy ne’e tara an iha area Suku Badu-Mori, Postu Administrativu Venilale Munisipiu Baukau

Joven Feto Ran ne’e tara an iha area Suku Badu-Mori, fatin ne’ebe Matebean Abuy tara an ba ne’e dook uituan husi uma Ne’ebe Komunidade sira hela ba

Matebean Abuy tara an iha oras meiudia, hafoin tara an Komunidade sira hetan maibe Feto ran ne’e ho kondisaun laiha ona iis tanba tanba tali ne’ebe nia uza habit metin ninia kakorok ikus mai halo Abuy lakon vida

Hafoin Notisia ne’e tun, SAP News TL tenta hodi halo komfirmasaun ho parte relevante sira iha Postu Administrativu Venilale maibe seidauk hetan kauza lolos husi insidente refere, maske nune’e maibé SAP News sei kontinua kolleta informasaun kompletu hodi públika iha oras balun tuir mai

Iha fulan Fulan sia nia laran, mosu Feto na’in 5 no Mane 1 tara an, Entre sira rua husi Munisípiu Baukau (Quelecai no Venilale), Munisipiu Lautém Postu Administrativu Luro iha ema na’in rua (Feto 1 no Mane 1), Bobonaro nian feto ida (1), Manufahi nian na’in Feto ida, Covalima nian mane ida, rezulta sira na’in 7 lakon vida hotu tanba laiha ema ruma ne’ebe belê hetan lais hodi salva sira

Antes ne’e, Padre Rui do Carmo da Silva SDB, liu husi intervista ho jornalista SAP News TL iha Gleno-Ermera, nia husu ba joven sira hodi labele hanoin badak wainhira hasoru problema ruma katak joven sira labele hakotu rasik nia moris liu husi tara an tanba moris ne’e maromak mak fo, so nia mak bele foti hikas

Iha sikun seluk, Vise Reitora Asuntu Estudantil UNTL Dra. Lígia Tomas Correia husu ba feto no mane sira atu ko’alia sai problema, wainhira hasoru problema nune’e família sira bele hatene no buka dalan hodi rezolve, labele foti desizaun ne’ebe la justu ba moris ne’e

Jornalista : Aquelina Magalhães