Loron 19-20 Dezembru, UNTL Gradua Estudante 2.195 Ne’ebé Iha Ona Kompeténsia
Imajem : Vise Reitor Asuntu Akadémiku no Garante Kualidade Samuel Freita iha Kampus Sentral UNTL, 13/12/2024. Foto : Marciana da Conceição
SAPNewsTL, Díli – Universidade Nasionál Timor Lorosa’e (UNTL sigla Portugues) liu husi Vise Reitor Asunto Akademiku no Garante Kualidade Samuel Freitas, deklara UNTL sei gradua estudante hamutuk 2.195 iha loron 19-20 fulan Dezembru tinan ne’e.
Vise Reitor Asunto Akademiku no Garante Kualidade Samuel Freitas hateten, tuir dadus ativu ne’ebé Universidade Nasionál Timor Lorosa’e rejistu total estudante graduadu maka 2.195 kompostu husi fakuldade 10.
“Kada Tinan UNTL sempre iha serimonia graduasaun ba estudante finalista sira, nune’e iha tinan 2024 UNTL bazeia ba númeru graduadu ne’ebe rejistu total graduadu 2.195” Dehan Vice Reitor Samuel Freitas ba jornalista SAPNews iha nia kna’ar fatin UNTL, Sexta (13/12/2024)
Serimonia graduasaun ne’ebe UNTL sei realiza iha fulan ne’e,tuir planu UNTL realiza serimonia graduasaun ba dala rua periodikamente no ano 2024, estudante sira mai husi fakuldade 10 ne’ebe eziste iha iha UNTL, graduadu sira balun ho grau Lisensiatura no balun Post Mastradu, Dehan nia.
“Kestaun tekniku preparativu UNTL garatia prepradu, nune’e UNTL iha faze preparativu ba serimonia graduasaun refere, entaun graduasaun ne’e sei realiza durante loron rua hahu husi dia 19-20”. Nia informa
Samuel informa, tema jeral ba serimonia graduasaun fulan ne’e deskreve ho sentidu katak Graduadu Com Eselensia Caracter e Vizaun Global ho sentidu signifikativu katak aleinde produs rekursu umanu kualidade forma mós karakter ema nian atu bele integra iha públiku hodi partisipa no garante dezenvolvimentu ne’ebé sustentavel.
Samuel mós afirma graduadu gradua ne’ebé UNTL produz ne’e iha kompeténsia no karater hodi integra iha sosiedade katak sira iha kapasidade hodi servi sosiedade no nasaun.
“Graduadu UNTL ne’e garante kompeténsia no kualidade, sira iha kapasidade hodi integra an iha sosiedade, ita laiha dúvida ba sira nia kapasidade”. Nia dehan
Imajem : Graduadu tinan akadémiku 2023. Foto : Arkivu SAPNews
Vise Reitor ne’e fo parabeniza ba graduadu sira tanba ho esforsu no dedikasaun bele finaliza ona estudu iha UNTL.
“Parabens ba graduadu sira hotu, parabens ba família sira hotu, ita realiza graduasaun ámbitu natál, entaun ita selebra ita nia susesu ho bensaun no grasa maromak nian”.
Enkuantu, tuir numeru post graduasaun mestradu total estudante 28, Fakuldade Agrikultura hamutuk 170, Fakuldade Enjenharia Siensia no Teknolojia 201,Fakuldade Siénsia Ezata hamutuk 4, fakuldade Turizmu arte no industria kriativu hamutuk 43, Fakuldade Medisina Siénsia Saúde hamutuk 633, Fakuldade Siénsia Sosial hamutk 267, fakuldade ekonomia gestaun hamutuk 222, fakuldade direitu 34, fakuldade edukasaun hamutk 497 no fakuldade filisofia hamutuk 97.
Fo hanoin fali katak, desde 2003 to’o 2024 (Graduasaun I-XXXI), UNTL produz ona graduadu hamutuk rihun ruanulu resin hitu (27.000) resin. Entre sira maioria hetan ona servisu, kontinua estudu no balun seidauk hetan servisu.
Jornalista : Marcela Mery da Costa